«بيىلعى 4 ايدا 4,4 ترلن تەڭگەگە جۋىق سوماعا مەملەكەتتىك ساتىپ الۋ راسىمدەرى كامەرالىق باقىلاۋمەن قامتىلدى. تەكسەرۋ قورىتىندىسى بويىنشا 13 967 ءراسىمنىڭ بۇزۋشىلىقتارى انىقتالدى, ونىڭ ىشىندە مەملەكەتتىك اۋديت وبەكتىلەرى بۇزۋشىلىقتاردى جويۋ تۋرالى حابارلامالاردىڭ 90%-ءىن ورىندادى. 739-دان استام اۋديتورلىق شارالار وتكىزىلدى», دەدى قارجى ءمينيسترى ۇكىمەت وتىرىسىندا.
ونىڭ ايتۋىنشا, شامامەن 1,7 ترلن تەڭگە بيۋدجەت قاراجاتى اۋديتپەن قامتىلدى. جالپى سوماسى 75 ملرد تەڭگەگە قارجىلىق بۇزۋشىلىقتار انىقتالدى.
«تاۋارلاردى جەتكىزۋ, قىزمەتتەردى كورسەتۋ مەن جۇمىستاردى ورىنداۋ, بيۋدجەتكە وتەۋ جانە ەسەپكە الۋ جولىمەن 65 ملرد تەڭگەگە بۇزۋشىلىقتار جويىلدى. اۋديت وبەكتىلەرى قىزمەتىنىڭ تيىمدىلىگىن جەتىلدىرۋ جانە ارتتىرۋ ءۇشىن 600-دەن استام ۇسىنىم بەرىلدى», دەدى ە. جاماۋباەۆ.
بۇعان دەيىن قارجى ءمينيسترى جىل باسىنان بەرى رەسپۋبليكالىق بيۋدجەتتەن 5,6 ترلن تەڭگە جۇمسالعانىن جانە 8 ملرد تەڭگە ۇنەمدەلگەنىن ايتقان ەدى.
سونداي-اق بيىلعى 4 ايدا مەملەكەتتىك بيۋدجەتكە 5 ترلن 93 ملرد تەڭگە كىرىس تۇسكەن جانە جوسپار 108,6%-كە ورىندالعان.
ايانا توعانبەك
