«حالىقارالىق تاجىريبەدەن الىنىپ وتىرعان تاعى ءبىر قۇرال - ومبۋدسمەننىڭ كونستيتۋتسيالىق سوتقا جۇگىنە الۋ قۇقىعى. ويتكەنى, كەلىپ تۇسكەن ارىز-شاعىمداردى تالداۋ بارىسىندا ومبۋدسمەن زاڭداردىڭ, وزگە دە نورماتيۆتىك-قۇقىقتىق اكتىلەردىڭ كەمشىلىگىن كورۋى مۇمكىن. بىراق, ونى ءوزى جوندەي المايدى. ەگەر پارلامەنتكە, ۇكىمەتكە ايتسا, ول پروتسەسس ۇزاققا سوزىلۋى مۇمكىن. ال ەندى كونستيتۋتسيالىق سوتقا تىكەلەي جۇگىنەدى. كونستيتۋتسيالىق سوت قاراپ, اتا زاڭعا قايشى دەپ تاپسا, وندا پارلامەنت پەن ۇكىمەت, باسقا دا زاڭ شىعارۋ سۋبەكتىلەرى ول زاڭدى تۇزەتۋگە مىندەتتى بولادى», دەدى ول ورتالىق كوممۋنيكاتسيالار قىزمەتىندەگى ءباسپاسوز ءماسليحاتىندا.
ايتا كەتەيىك, تاياۋدا مەملەكەت باسشىسى «رەسپۋبليكالىق رەفەرەندۋم تۋرالى» قازاقستان رەسپۋبليكاسىنىڭ كونستيتۋتسيالىق زاڭىنا وزگەرىستەر مەن تولىقتىرۋ ەنگىزۋ تۋرالى» قازاقستان رەسپۋبليكاسىنىڭ كونستيتۋتسيالىق زاڭىنا قول قويدى.
