مەديتسينا • 11 مامىر، 2022

الماتىدا فارماتسەۆتيكالىق زاۋىت سالىنادى

48 رەت كورسەتىلدى

تۇركيا ينۆەستورلارى الماتى قالاسىندا فارماتسەۆتيكالىق زاۋىت سالۋعا قارجى بولەدى. بۇل جونىندەگى كەلىسىمگە قر دەنساۋلىق ساقتاۋ ءمينيسترى اجار عينياتتىڭ تۇركيادا وتكىزگەن كەزدەسۋى بارىسىندا قول جەتكىزىلدى، دەپ حابارلايدى Egemen.kz.

قر دەنساۋلىق ساقتاۋ ءمينيسترى اجار عينيات قازاقستان پرەزيدەنتى قاسىم-جومارت توقاەۆتىڭ تۇركيا رەسپۋبليكاسىنا مەملەكەتتىك ساپارى اياسىندا Nobel Ilac فارماتسەۆتيكالىق كومپانياسىنىڭ باسشىسى حاسان ۋلۋسامەن بىرلەسكەن جوبالار بويىنشا كەزدەسۋ وتكىزدى.

«دەنساۋلىق ساقتاۋ سالاسىنداعى ەكىجاقتى ىنتىماقتاستىقتى ودان ءارى جانداندىرۋ، سونداي-اق سەرىكتەستىك قارىم-قاتىناستارىمىزدىڭ تابىستى كورسەتكىشى، ول بۇگىنگى كۇنى الماتى قالاسىندا ەكىنشى فارماتسەۆتيكالىق زاۋىت سالۋ جونىندەگى ىنتىماقتاستىق تۋرالى كەلىسىمگە قول قويۋ بولىپ تابىلادى»، دەدى ا.عينيات كەزدەسۋدە.

مينيستر بيىل فارماتسەۆتيكالىق ءونىم شىعارۋ بويىنشا «نوبەل افف» اق بىرلەسكەن قازاقستاندىق زاۋىتىنىڭ قۇرىلعانىنا تۋرا 20 جىل تولاتىنىن ەسكە سالدى.

Nobel Ilac كومپانياسى قولدانىستاعى ءوندىرىستى جاڭعىرتۋعا جانە كەڭەيتۋگە، سونداي-اق الماتى قالاسىندا ەكىنشى فارماتسەۆتيكالىق زاۋىت سالۋعا قوسىمشا 55 ملن دوللار ينۆەستيتسيالاۋدى جوسپارلاپ وتىر.

قازىرگى ۋاقىتتا جوبالاۋ-سمەتالىق قۇجاتتار جانە تەحنيكالىق-ەكونوميكالىق نەگىزدەمە ازىرلەنىپ جاتىر. ولاردى 2022 جىلعى ءبىرىنشى جارتىجىلدىقتىڭ سوڭىنا دەيىن اياقتاۋ جانە 2025 جىلعى جەلتوقساندا تولىق اياقتاي وتىرىپ، جوبانى كەزەڭ-كەزەڭىمەن ىسكە اسىرۋعا كىرىسۋ جوسپارلانۋدا.

ساپار بارىسىندا دەنساۋلىق ساقتاۋ ءمينيسترى اجار عينيات الماتى قالاسىندا فارماتسەۆتيكالىق پرەپاراتتاردى ءوندىرۋ بويىنشا وسى اتتاس كومپانيانىڭ باسشىسى زەينەپ اتابايمەن ەكىجاقتى كەلىسىمگە قول قويدى.

ءمينيستردىڭ ايتۋىنشا، اتالعان كاسىپورىن بىرەگەي دارىلىك زاتتار مەن مەديتسينالىق بۇيىمداردىڭ وتاندىق ءوندىرىسىن دامىتۋعا، وتاندىق فارماتسەۆتيكالىق ءونىمنىڭ ەكسپورتتىق الەۋەتىن ارتتىرۋعا، سونداي-اق عىلىمي جانە كادرلىق الەۋەتتى نىعايتۋعا مۇمكىندىك بەرەدى.

قول قويىلعان كەلىسىم اياسىندا ATABAY KIMYA SANAYI TICARET كومپانياسى زاۋىت قۇرىلىسىنا 10 ملن اقش دوللار ينۆەستيتسيالاۋدى جوسپارلاپ وتىر. جوبانى ىسكە اسىرۋ مەرزىمى 2023 جىلدىڭ سوڭىنا دەيىن، جاڭا جۇمىس ورىندارىنىڭ سانى 200-گە جەتەدى.

سوڭعى جاڭالىقتار

ەرلىككە تولى ەڭبەك

قازاقستان • كەشە

شيراز بۇلب ۇلى

ادەبيەت • كەشە

اتا جۇرتتا

ادەبيەت • كەشە

اباي وبلىسىنىڭ اتى وزدى

ايماقتار • كەشە

ۇقساس جاڭالىقتار