قوعام • 11 مامىر، 2022

مۇگەدەكتىگى بار ادامدارعا جەكە نوتاريۋستار تەگىن قىزمەت كورسەتەدى

46 رەت كورسەتىلدى

ماجىلىستە «قر كەيبىر زاڭنامالىق اكتىلەرىنە مۇگەدەكتىگى بار ادامداردىڭ ءومىر ءسۇرۋ ساپاسىن جاقسارتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ەكىنشى وقىلىمدا ماقۇلداندى، دەپ حابارلايدى Egemen.kz.

«زاڭ جوباسى مۇگەدەكتىگى بار ادامداردىڭ ءومىر ءسۇرۋ ساپاسىن جاقسارتۋعا باعىتتالعان جانە قازاقستان رەسپۋبليكاسىنىڭ زاڭناماسىنا كەمسىتۋشىلىك تەرميندەردى جويۋ جانە «مۇگەدەك» دەگەن ۇعىمدى «مۇگەدەكتىگى بار ادامعا»، «مۇگەدەك بالا» دەگەن ۇعىمدى «مۇگەدەكتىگى بار بالاعا» اۋىستىرۋدى كوزدەيدى. سونىمەن بىرگە، مۇگەدەكتىگى بار ادامداردىڭ دەنساۋلىق ساقتاۋ ۇيىمدارىندا ءبىرىنشى كەزەكتە قىزمەت كورسەتىلۋ، تەحنيكالىق جانە قۇقىقتىق سيپاتتاعى ارەكەتتەردى جاساۋ كەزىندە جەكە نوتاريۋستاردىڭ تەگىن قىزمەتتەرىن الۋ، اقپاراتقا قول جەتكىزۋ جانە كەدەرگىسىز ورتا قالىپتاستىرۋ قۇقىقتارىن قامتاماسىز ەتۋ بولىگىندە بىرقاتار وزگەرىستەر مەن تولىقتىرۋلار قاراستىرىلعان»، دەدى ءماجىلىستىڭ الەۋمەتتىك-مادەني دامۋ كوميتەتىنىڭ مۇشەسى لاريسا پاۆلوۆەتس.

سونىمەن قاتار زاڭ جوباسىندا مۇگەدەكتىگى بار بالانى ساناتوريلىك-كۋرورتتىق ەمدەۋگە الىپ جۇرەتىن زاڭدى وكىلدەردىڭ بىرىنە ساناتوريلىك-كۋرورتتىق ۇيىمدا بولۋ قۇنى حالىقتى الەۋمەتتىك قورعاۋ سالاسىنداعى ۋاكىلەتتى ورگان ايقىندايتىن سومانىڭ 70%-ى مولشەرىندە وتەلەدى. زاڭ جوباسىمەن جۇمىس بارىسىندا دەپۋتاتتار مۇگەدەكتىكتى، ەڭبەككە قابىلەتتىلىكتەن ايىرىلۋ دارەجەسىن بەلگىلەۋ جونىندەگى مەديتسينالىق-الەۋمەتتىك ساراپتامادان سىرتتاي ءوتۋ مۇمكىندىگىن بەرۋ، ءدارىحانالارى جوق اۋىلدىق ەلدى مەكەندەردىڭ تۇرعىندارى ءۇشىن دارىلىك زاتتار مەن مەديتسينالىق بۇيىمداردى دەنساۋلىق ساقتاۋ ۇيىمدارى ارقىلى وتكىزۋ سىندى تۇزەتۋلەر ەنگىزگەن.

«زاڭ جوباسىندا ءوڭىردىڭ الەۋمەتتىك-ەكونوميكالىق دامۋىنا جانە ونىڭ ينفراقۇرىلىمىن دامىتۋعا جەر قويناۋىن پايدالانۋشىلاردىڭ جەرگىلىكتى بيۋدجەتكە اۋدارىلاتىن قاراجاتى ەسەبىنەن الەۋمەتتىك كاسىپكەرلىك سۋبەكتىلەرىن قولداۋ، تاكسي تاسىمالداۋشىلارىندا ادەتتەگى 10 اۆتوموبيلگە مۇگەدەكتىگى بار ادامداردى تاسىمالداۋ جونىندەگى ءبىر مامانداندىرىلعان اۆتوكولىكتىڭ بولۋى، مۇگەدەكتىگى بار ادامدار مەن ءجۇرىپ-تۇرۋى شەكتەۋلى باسقا دا توپتاردى تاسىمالداۋعا بەيىمدەلگەن اۆتوبۋستاردى باسىمدىقپەن ساتىپ الۋى سىندى نورمالاردى 2023 جىلعى 1 قاڭتاردان باستاپ قولدانىسقا ەنگىزۋ جونىندە تۇزەتۋ ەنگىزىلدى. جۇمىس توبىنىڭ 8 وتىرىسى، جۇمىس كەڭەسى، زاڭ جوباسىنىڭ تانىستىرىلىمى، كوميتەتتىڭ 2 كەڭەيتىلگەن وتىرىسى وتكىزىلدى. ايتىلعانداردى ەسكەرە وتىرىپ، كوميتەت «قر كەيبىر زاڭنامالىق اكتىلەرىنە مۇگەدەكتىگى بار ادامداردىڭ ءومىر ءسۇرۋ ساپاسىن جاقسارتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ەكىنشى وقىلىمدا ماقۇلداپ، ونى پارلامەنت سەناتىنىڭ قاراۋىنا جىبەرۋگە بولادى دەپ ەسەپتەيدى»، دەدى ل. پاۆلوۆەتس.

ايانا توعانبەك

سوڭعى جاڭالىقتار

دوللار باعاسى تاعى قىمباتتادى

ەكونوميكا • بۇگىن، 10:32

چەمپيوندى تابا الماي جاتىر

سپورت • بۇگىن، 07:59

«ورداباسى» جەڭىسكە جەتتى

سپورت • بۇگىن، 07:58

بۋبليك – ءۇشىنشى كەزەڭدە

سپورت • بۇگىن، 07:57

IQanat قاناتتاندىرعاندار

ايماقتار • بۇگىن، 07:55

اۋىلداعى داۋىل

ايماقتار • بۇگىن، 07:47

ەت وتكىزەتىن نارىق كەرەك

ەكونوميكا • بۇگىن، 07:40

ەڭ باستىسى – ەڭبەك قاۋىپسىزدىگى

ەكونوميكا • بۇگىن، 07:37

بوزكىلەمدە – بۇرىمدىلار

سپورت • بۇگىن، 07:33

بەرگەن سەرتكە بەرىكتىك

قازاقستان • بۇگىن، 07:30

پيك پەن ميب-ءتىڭ «شايقاسى»

قازاقستان • كەشە

ۇقساس جاڭالىقتار