قالا اكىمى ءارتىستىڭ تەاتر ونەرى مەن كينەماتوگرافيانىڭ دامۋىنا قوسقان زور ۇلەسىن اتاپ ءوتىپ, وعان ۇزاق عۇمىر تىلەدى.
ءسىز وتاندىق كينو تاريحىندا ەرەكشە ورىن الاسىز. بۇگىندە ونەر سالاسىنداعى باستامالار مەن جوبالاردى قولداپ, ناسيحاتتاپ, جاستارعا باعىت-باعدار بەرىپ, شەتەلدە ەلىمىزدىڭ ابىرويىن اسقاقتاتىپ جاتىرسىزدار, – دەدى الماتى اكىمى ەربولات دوساەۆ.
ءاسانالى ءاشىموۆ 1937 جىلى 8 مامىردا جامبىل وبلىسى سارىسۋ اۋدانى جايىلما اۋىلىندا دۇنيەگە كەلگەن. ول 1956 - 1961 جىلدارى قۇرمانعازى اتىنداعى قازاق ۇلتتىق كونسەرۆاتورياسىنىڭ تەاتر فاكۋلتەتىن اكتەر ماماندىعى بويىنشا بىتىرگەن.
ءاسانالى ءاشىموۆ «قىز جىبەك», «اتاماننىڭ اقىرى», ء«ترانسسىبىر ەكسپرەسى», «جاۋشى" جانە ت.ب. فيلمدەردە ەڭ جارقىن جانە ەستە قالارلىق رولدەردى سومدادى.
بۇگىندە مۇحتار اۋەزوۆ اتىنداعى قازاق ۇلتتىق دراما تەاترى قازاقستاننىڭ ەڭبەك ەرى ءاسانالى ءاشىموۆتىڭ 85 جاس مەرەيتويىنا ارنالعان «ونەرىم – ءومىرىم» اتتى ينتەراكتيۆتى سپەكتاكلىن ۇسىنىپ وتىر. سونىمەن قاتار مەرەيتوي اياسىندا تەاتردىڭ مۇراجاي قورى ۇيىمداستىرىپ جاتقان «تاعدىرى - ونەر تاريحى» اتتى ءاسانالى ءاشىموۆتىڭ شىعارماشىلىعىنا ارنالعان كورمە ۇيىمداستىرىلدى. كورمەگە تەاتر كوريفەيىنىڭ جەكە قورىنان 200-گە جۋىق ەكسپونات وتكىزىلگەن.
