وتىرىسقا وبلىس اكىمدەرىنىڭ ورىنباسارلارى, كاسىپكەرلەر, اۋىل شارۋاشىلىعى كووپەراتيۆتەرىنىڭ باسشىلارى, مەملەكەتتىك ورگانداردىڭ وكىلدەرى قاتىستى.
ۆيتسە-پرەمەر اۋىل تۇرعىندارىنىڭ تابىسىن ارتتىرۋ جونىندەگى پيلوتتىق جوبانىڭ ارقاسىندا حالىقتىڭ جۇمىسپەن قامتىلۋ دەڭگەيى ارتىپ, تۇرعىنداردىڭ ورتاشا تابىسىنىڭ وسكەنىن اتاپ ءوتتى.
«مەملەكەت باسشىسى قاسىم-جومارت توقاەۆ حالىقتىڭ تابىسىن ارتتىرۋ ماسەلەلەرىنە ەرەكشە نازار اۋدارادى. بۇل باعىتتا جۇيەلى جۇمىستار جۇرگىزىلىپ جاتىر. پيلوتتىق جوبا ءوزىنىڭ تيىمدىلىگىن دالەلدەدى. ول جۇمىسپەن قامتۋ, تابىس تابۋدىڭ جاڭا مۇمكىندىكتەرىمەن قاتار وڭىرلىك دەڭگەيدە ازىق-ت ۇلىكپەن قامتاماسىز ەتۋ ماسەلەلەرىن دە شەشەدى», دەپ اتاپ ءوتتى ەرالى توعجانوۆ.
جامبىل وبلىسىنىڭ اكىمى نۇرجان نۇرجىگىتوۆ پيلوتتىق جوبانى ىسكە اسىرۋدىڭ ارالىق قورىتىندىلارى تۋرالى باياندادى. جوباعا 2478 تۇرعىن قاتىسىپ, نەسيە العان, سونداي-اق 25 ەلدى مەكەننەن 11 جاڭا اۋىل شارۋاشىلىعى كووپەراتيۆى ىسكە قوسىلدى – بۇل وبلىستىڭ 10 اۋدانىندا 11 پيلوتتىق اۋىلدىق وكرۋگتىڭ قىزمەتى.
جوبانىڭ نەگىزگى ماقساتى – اۋىل شارۋاشىلىعى تاۋارىن وندىرۋشىلەردى جان-جاقتى قولداۋ, اۋىل تۇرعىندارىن اگرارلىق بيزنەسكە بارىنشا تارتۋ, ازىق-ت ۇلىك قاۋىپسىزدىگى جانە ازاماتتاردىڭ ءومىر ءسۇرۋ ساپاسىن جاقسارتۋعا بايلانىستى ماسەلەلەردى شەشۋ.
«پيلوتتىق جوبانىڭ ءبىرىنشى كەزەڭىن جۇزەگە اسىرۋ ناتيجەسىندە ءاربىر وتباسىنىڭ تابىسى ورتا ەسەپپەن 4 ەسەگە ارتتى. جەكە كاسىپكەرلەر سانى 2282-گە ءوستى. 589 جاڭا جۇمىس ورنى قۇرىلدى. اتاۋلى الەۋمەتتىك كومەك الۋشىلار سانى 65%-عا, جۇمىسسىزدار سانى 36%-عا ازايدى. ءبىزدىڭ ەسەپتەۋىمىز بويىنشا, جوبانى ىسكە اسىرۋدىڭ بەس جىلىندا ەكونوميكالىق تيىمدىلىك 14,9 ملرد تەڭگەنى قۇرايدى», دەدى نۇرجان نۇرجىگىتوۆ.
ۆيتسە-پرەمەر جامبىل وبلىسىنىڭ وڭ تاجىريبەسىن ەلدىڭ وزگە ايماقتارىنا كەڭەيتۋدىڭ ماڭىزدىلىعىن اتاپ ءوتتى.
«ول ءۇشىن ءاربىر ازامات ورتاق ىسكە ەلەۋلى ۇلەس قوسۋى قاجەت. ەڭ باستىسى كەز-كەلگەن اۋىل تۇرعىنىنا قولجەتىمدى ەتىپ, جوبالاردى شاعىن ينۆەستيتسيالارمەن جۇزەگە اسىرۋعا مۇمكىندىك بەرۋ. وسىنداي جوبالار ارقىلى ءبىز اۋىل حالقىنىڭ تابىسىن ارتتىرامىز. بۇل جوبانى «اۋىل اماناتى» دەپ اتاۋدى ۇسىنامىز», دەدى ەرالى توعجانوۆ.
«اۋىل اماناتى» قوسالقى باعدارلاماسى حالىقتىڭ تابىسىن ارتتىرۋ باعدارلاماسى شەڭبەرىندە ىسكە اسىرىلاتىن بولادى.
«Amanat» پارتياسىنىڭ حاتشىسى ەلدار جۇماعازيەۆ ءوز سوزىندە جوبادا كوزدەلگەن ماقساتتارعا قول جەتكىزۋ ءۇشىن جاقىن ارادا پارتيا جانىنان ارنايى جوبالىق كەڭسە قۇرىلاتىنىن اتاپ ءوتتى. الدىمەن اۋىلداعى ءاربىر ءۇي بويىنشا ستاتيستيكالىق دەرەكتەر جينالادى. ءاربىر ەلدى مەكەننىڭ گەوگرافيالىق ەرەكشەلىكتەرى, جەر ماسەلەلەرى, سۋمەن قامتاماسىز ەتۋ, ەڭبەك جانە قارجى رەسۋرستارى ەسكەرىلەدى.
ەگجەي-تەگجەيلى تالداۋ اۋدانداردا قانداي داقىلداردى وسىرۋگە قولايلى ەكەنىن, ولاردىڭ اۋماعىندا قانداي وندىرىستەردى اشۋعا بولاتىندىعىن انىقتاۋعا مۇمكىندىك بەرەدى. بۇل دەرەكتەر جەرگىلىكتى اتقارۋشى ورگاندارعا بەرىلەدى. الىنعان تالداۋعا سايكەس كاسىپكەرلەرمەن جۇمىس جۇرگىزىلەدى.
تەحنيكالىق جانە كاسىپتىك ءبىلىم بەرەتىن ورتا ارناۋلى كوللەدجدەردە تۇتىنۋشىلاردىڭ سۇرانىستارىنا ساي ءونىم شىعاراتىن ماماندار ءۇشىن بىلىكتىلىك ورتالىقتارىن اشۋ قاجەت.
ۆيتسە-پرەمەر ستاتيستيكالىق ەسەپتىلىكتىڭ جاڭا ادىستەمەسىن قابىلداۋدى جانە ءاربىر ەلدى مەكەن, ءۇي شارۋاشىلىعى, ادام بويىنشا اۋقىمدى دەرەكتەر جيناۋدى, سونداي-اق سكرينينگ جۇرگىزىپ, ءاربىر اۋىل بويىنشا ميكرو دەرەكتەر جيناقتاۋدى تاپسىردى. سونداي-اق سكرينينگ قورىتىندىلارى بويىنشا ءاربىر اۋىلدىڭ, اۋداننىڭ, وبلىستىڭ ەكونوميكالىق ماماندانۋىن ايقىنداۋ, اۋىل شارۋاشىلىعى شيكىزاتى رەتىندە قايدا جانە قانداي ءونىمدى ءتيىمدى ءوسىرۋ كەرەكتىگىن, ىشكى نارىقتىڭ سىيىمدىلىعىن جانە ەكسپورتتىق الەۋەتتى ەسكەرە وتىرىپ, قانداي قايتا وڭدەۋ جانە وندىرىستىك قۋاتتاردى ىسكە قوسۋ كەرەكتىگىن ايقىنداۋ قاجەت.
«حالىقتىڭ تابىسىن ارتتىرۋ باعدارلاماسى, ءبىرىنشى كەزەكتە, اۋىلدىق جەرلەردە جۇمىسپەن قامتۋ دەڭگەيىن كوتەرۋگە باعىتتالعان. سوندىقتان كەز-كەلگەن جوبانى جۇزەگە اسىرۋ كەزىندە تۇرعىندارعا قانداي پايدا اكەلەتىنى تۋرالى سارالاۋ كەرەك. جەرگىلىكتى بيلىكتىڭ اۋىل اكىمىنەن باستاپ ءوڭىر باسشىسىنا دەيىنگى مىندەتى – اوك قولداۋ كورسەتۋ, اۋىل شارۋاشىلىعىنىڭ وعان جاتپايتىن تۇرلەرىن دامىتۋ بويىنشا شارالار قابىلداۋ», دەدى ەرالى توعجانوۆ.
وتىرىس بارىسىندا قاتىسۋشىلار اۋىل شارۋاشىلىعى جەرلەرىنىڭ تاپشىلىعى ماسەلەسىن شەشۋگە, وسى سالادا بىلىكتى مامانداردى وقىتۋعا بايلانىستى ماسەلەلەردى تالقىلادى.
كەڭەس سوڭىندا ەرالى توعجانوۆ وبلىس اكىمدىگى مەن ورتالىق مەملەكەتتىك ورگاندارعا «حالىق تابىسىن ارتتىرۋ باعدارلاماسىن» جۇزەگە اسىرۋ بويىنشا بىرقاتار تاپسىرما بەردى.
ۆيتسە-پرەمەر تارازدا «بيزنەسكە ارنالعان ۇكىمەت» ورتالىعىنىڭ جۇمىسىمەن تانىستى, وندا كاسىپكەرلەر بارلىق قاجەتتى قىزمەتتەردى ء«بىر تەرەزە» قاعيداتى بويىنشا الادى. ورتالىقتا وڭىرلىك كاسىپكەرلەر پالاتاسىنىڭ, «تاراز» اكك» ۇك» اق, «تاراز» جانە «اتامەكەن» ميكروقارجى ۇيىمدارى, «Kazakh Invest» ۇك» اق, ەكىنشى دەڭگەيدەگى بانكتەردىڭ مەنەدجەرلەرى, كاسىپكەرلەردىڭ قۇقىقتارىن قورعاۋ جونىندەگى ساراپتاما توبىنىڭ وكىلدەرى, مەملەكەتتىك ورگانداردىڭ قىزمەتكەرلەرى قىزمەت كورسەتەدى.
