ونىڭ ايتۋىنشا, مەرەكە كۇندەرى اۋە جانە تەمىرجول كولىگىندەگى جولاۋشىلار اعىنى ەكى ەسەگە ارتادى. وسىعان بايلانىستى, كولىك پوليتسەيلەرى قۇقىقتىق ءتارتىپتى, ازاماتتاردىڭ قاۋىپسىزدىگى مەن تىنىشتىعىن قامتاماسىز ەتۋ, سونداي-اق قۇقىق بۇزۋشىلىقتار مەن قىلمىستاردىڭ الدىن الۋ بويىنشا ءىس-شارالار كەشەنىن جۇرگىزەدى.
سونىمەن قاتار, ول وسى ءىس-شارا اياسىندا ماڭىزدى نىسانداردى, ارنايى مەكەمەلەردى, سونداي-اق اكىمشىلىك عيماراتتار مەن ءۇي-جايلاردى جانە حالىقتىڭ تىرشىلىگىن قامتاماسىز ەتۋ وبەكتىلەرىن قورعاۋ كۇشەيتىلەتىنىن ايتتى.
«قوعامدىق ءتارتىپتى ساقتاۋعا جانە اۋە, تەمىرجول كولىگىمەن قاتىنايتىن جولاۋشىلاردىڭ قاۋىپسىزدىگىن قامتاماسىز ەتۋ ءۇشىن تاۋلىگىنە دەپارتامەنتتىڭ 1000-نان استام قىزمەتكەرى جۇمىلدىرىلدى. باسشىلىق قۇرام قاتارىنان جاۋاپتى لاۋازىمدى تۇلعالاردىڭ كەزەكشىلىگى بەلگىلەندى», دەدى و. بەكەەۆ.
ۆەدومستۆو باسشىسى ءوز سوزىندە كينولوگتاردىڭ دا قىزمەتتىك-ىزدەستىرۋ يتتەرىن قولدانا وتىرىپ, تۇراقتى تۇردە پەررونداردى, ۆوكزالدار مەن اۋەجايلارداعى بارلىق باگاج بولىمشەلەرىن, ساقتاۋ كامەرالارى مەن كۇتۋ زالدارىن تەكسەرەتىندىگىن جەتكىزدى.
«كولىك پوليتسياسى ازاماتتاردى قوعامدىق ءتارتىپتى ساقتاۋعا جانە ءوز م ۇلىكتەرىنە مۇقيات بولۋعا شاقىرادى», دەلىنگەن كولىكتەگى پوليتسيا دەپارتامەنتىنىڭ ءباسپاسوز قىزمەتىنىڭ حابارلاماسىندا.
