ەلورداداعى كورەي مادەني ورتالىعىنىڭ حابارلاۋىنشا, فەستيۆال اياسىندا كورەي فيلمدەرى تالدىقورعان (14 مامىر), اقتاۋ (21 مامىر) جانە قوستاناي (28 مامىر) قالالارىندا كورسەتىلەدى.
سوڭعى بىرنەشە جىلدا اتالعان فەستيۆال كوروناۆيرۋس جاعدايىنىڭ ۋشىعۋىنا بايلانىستى ونلايىن فورماتتا وتكىزىلگەن. الايدا بيىل ەلدەگى ەپيدەميولوگيالىق احۋالدىڭ جاقسارۋىنا بايلانىستى فيلمدەر وفلاين كورسەتىلمەك.
ء«بىراز جىلدان بەرى COVID-19 تارالۋىنا بايلانىستى ءبىزدىڭ مادەني ورتالىق شارالارىن وتكىزۋدە قيىنشىلىقتار تۋىنداعان بولاتىن. قازىر جاعداي جاقسى جاققا وزگەردى. بيىل قازاقستان مەن وڭتۇستىك كورەيا اراسىنداعى مادەني جانە ديپلوماتيالىق قارىم-قاتىناستاردىڭ ورناعانىنا 30 جىل تولىپ وتىر. وسىعان بايلانىستى بىزدە كوپتەگەن شارا وتكىزىلەدى», دەدى ەلورداداعى كورەي مادەني ورتالىعىنىڭ ديرەكتورى لي حەران.
وسى جولعى فەستيۆالدە قازاقستاندىق كورەرمەندەرگە «كىشكەنتاي ورمان» جانە «توننەل» اتتى ەكى كورەي كارتيناسى ۇسىنىلماق. ەكى فيلمدە دە كورەيانىڭ تىنىس تىرشىلىگى, وندا تۇراتىن ادامداردىڭ ءومىرى تۋرالى قىزىقتى ساتتەر قامتىلعان.
