وبلىستىق توتەنشە جاعدايلار دەپارتامەنتىنىڭ قوعاممەن بايلانىس توبىنان ءمالىم ەتكەندەي, ءورت بۇگىن, 6 مامىردا تاڭداي اۋىلىندا تۇتانعان. بۇل اۋىل – ماحامبەت اۋدانىنداعى باقساي اۋىلدىق وكرۋگىنىڭ ورتالىعى.
«ماحامبەت اۋدانىنىڭ باقساي اۋىلدىق وكرۋگىندە تاڭعى ساعات 6:33-تە قۇرىلىسشىلار جاتاتىن ۆاگون ورتەندى. ۆاگون «Caspian Ecology» جاۋاپكەرشىلىگى شەكتەۋلى سەرىكتەستىگىنە تيەسىلى بولعان. ءورتتىڭ سالدارىنان ۆاگون تۇگى قالماي جانىپ كەتتى. جالىندى سوندىرۋگە دەپارتامەنتتىڭ №6 ءورت ءسوندىرۋ بولىمىنەن 4 قىزمەتكەر مەن 1 ارنايى تەحنيكا تارتىلدى. ءورت سوندىرۋشىلەر جالىندى ساعات 8:00-دە وقشاۋلاپ, ساعات 08:35-تە تولىق ءسوندىردى. زارداپ شەككەندەر مەن قايتىس بولعاندار جوق», دەدى دەپارتامەنتتىڭ قوعاممەن بايلانىس توبىنان.
جاقىندا وبلىستىق تابيعي رەسۋرستار جانە تابيعات پايدالانۋدى رەتتەۋ باسقارماسى «Caspian ecology» جشس-ءنىڭ اتالعان اۋدانداعى تاڭداي اۋىلىندا اشىق جيىن تۇرىندەگى قوعامدىق تىڭداۋ وتكىزەتىنىن حابارلادى.
قوعامدىق تىڭداۋدا جۇرتشىلىق تالقىلاۋىنا قالدىقتارمەن جۇمىس ىستەۋ كەشەنىندە شىعارىندىلاردىڭ رۇقسات ەتىلەتىن نورماتيۆتەر جوباسى, قالدىقتاردى باسقارۋ, وندىرىستىك ەكولوگيالىق باقىلاۋ باعدارلامالارى, سونداي-اق قورشاعان ورتانى قورعاۋ جونىندەگى ءىس-شارالاردى ۇسىنۋدى كوزدەگەن.
سەرىكتەستىك قوعامدىق تىڭداۋدى 19 مامىردا تاڭداي اۋىلىنداعى باقساي اۋىلدىق مادەنيەت ۇيىندە وتكىزۋدى جوسپارلاپ وتىر.
