حالىقارالىق كونفەرەنتسياعا تۇركى مەملەكەتتەرى ۇيىمىنىڭ باس حاتشىسى باعدات امرەەۆ پەن قر اقپارات جانە قوعامدىق دامۋ ءمينيسترى اسقار وماروۆ, تۇركىستان وبلىسىنىڭ اكىمى ومىرزاق شوكەەۆ پەن حالىقارالىق تۇركى اكادەمياسىنىڭ پرەزيدەنتى دارحان قىدىرالى قاتىسىپ جاتىر.
سونىمەن قاتار, تۇركى مەملەكەتتەرى ۇيىمى اقساقالدار كەڭەسىنىڭ مۇشەسى يكرام ادىربەك ۇلى مەن قازاقستان مۇسىلماندارى ءدىني باسقارماسىنىڭ توراعاسى, باس ءمۇفتي ناۋرىزباي قاجى تاعان ۇلى شاقىرىلعان. جيىندا تۇركيا رەسپۋبليكاسى ءدىن ىستەرى باسقارماسىنىڭ باسشىسى, باس ءمۇفتي ءالي ەرباش پەن كاۆكاز, قىرعىزستان, وزبەكستان مۇسىلماندارى باسقارماسىنىڭ باسشىلارى ءوز پىكىرىن ورتاعا سالىپ جاتىر.
كونفەرەنتسيادا تۇركى دۇنيەسىنە ورتاق قورقىت اتا, ياساۋي, ءماۋلانا, ءناۋاۋي, ماناس مۇرالارىن دارىپتەۋ, ماتۋريدي سەنىم مەكتەبى مەن ءابۋ حانيفا ءمازھابىن حالىققا جەتكىزۋ ماسەلەلەرى ءسوز بولدى. ءدىني وقۋ-اعارتۋ سالاسى بويىنشا بىرلەسكەن جوبالاردى جۇزەگە اسىرۋ, جاھاندىق سىن-قاتەرگە جاۋاپ بەرۋدە مۇسىلمان ۇمبەتىنىڭ ءوزارا ىنتىماعىن ارتتىرۋ جايى ورتاعا سالىندى.
ءدىني مەرەكەلەردى ءبىر كۇندە اتاپ ءوتۋ مەن ورتاق ءپاتۋالار قابىلداۋ, دەسترۋكتيۆتى ءدىني اعىمداردىڭ تەرىس ۇگىت-ناسيحات جۇمىستارىنا جول بەرمەۋ تالقىلاندى.
