«بۇگىن پرەزيدەنت ەل كونستيتۋتسياسىنا وزگەرىستەر ەنگىزۋ جوباسى بويىنشا رەسپۋبليكالىق رەفەرەندۋم وتكىزۋ تۋرالى جارلىققا قول قويدى. بۇل - مەملەكەت باسشىسىنىڭ ايرىقشا ساياسي ماڭىزدى شەشىمى. كونستيتۋتسيالىق رەفورما جونىندەگى رەفەرەندۋم بۇل - پرەزيدەنتتىك ساياسي رەفورمالار باعدارلاماسىن جۇزەگە اسىرۋدىڭ كەزەكتى كەزەڭى. باعدارلاما جۇيەلى سيپاتقا يە جانە سۋپەرپرەزيدەنتتىك مودەلدەن پرەزيدەنتتىك رەسپۋبليكاعا تۇبەگەيلى كوشۋدى, بىرقاتار بيلىكتىك وكىلەتتىكتەردى قايتا ءبولۋدى, پارلامەنتتىڭ ءرولى مەن مارتەبەسىن كۇشەيتۋدى, حالىقتىڭ ەلدى باسقارۋعا قاتىسۋىن كەڭەيتۋدى, ازاماتتاردىڭ قۇقىقتارىن قورعاۋداعى كونستيتۋتسيالىق تەتىكتەردى كۇشەيتۋدى قامتيدى», دەدى مەملەكەتتىك حاتشى.
ونىڭ ايتۋىنشا, بۇل رەفورمالار قوعام مەن ساراپشىلاردىڭ سۇرانىسى مەن ۇسىنىسىنا نەگىزدەلگەن.
«بۇل جولعى قازاقستانداعى رەفەرەندۋمنىڭ ەرەكشەلىگى پرەزيدەنت ءوزىنىڭ وكىلەتتىگىن كەڭەيتۋ ءۇشىن ەمەس, كەرىسىنشە بيلىكتىڭ باسقا ينستيتۋتتارىمەن ونى قايتا بولىسۋگە باستاماشىلىق جاساۋىندا. وسىلايشا, كونستيتۋتسيالىق رەفورما جونىندەگى الداعى رەفەرەندۋم ەكىنشى رەسپۋبليكاعا – مەملەكەت پەن قوعام ءوزارا قارىم قاتىناسىنا جاڭا, بارىنشا ءتيىمدى ءارى تەڭگەرىمدى مودەلىنە قۇقىقتىق نەگىز قالىپتاستىرادى», دەدى ەرلان قارين.
