اقتوبە قالاسى ابىلقايىر حان داڭعىلىندا ورنالاسقان 9 قاباتتى ءۇيدىڭ بالكونىنان ءورت شىقتى. وقيعا ورنىنا وبلىستىق توتەنشە جاعدايلار دەپارتامەنتىنەن 57 ادام 10 تەحنيكا جۇمىلدىرىلدى.
«شاقىرتۋ تۇسكەن سوڭ ءبىز وقيعا ورنىنا بەس مينۋتتا جەتتىك. بارلىعى 60 ادام ەۆاكۋاتسيالانىپ, 10 ادام قۇتقارۋ ساتىسى ارقىلى تومەن ءتۇسىرىلدى. 9 قاباتتى ءۇيدىڭ ءتورتىنشى قاباتىنان باستاپ ءورت شىققان. تەك بالكوندار جاندى. قازىرگى كەزدە ءورتتىڭ شىعۋ سەبەبى انىقتالىپ جاتىر», دەدى وبلىستىق تجد باستىعى مارعۇلان امانباەۆ.
ايتا كەتەيىك, ءورت تۋرالى حابارلاما ساعات 16:50-دە ءتۇسىپ, قىزمەتكەرلەر وقيعا ورنىنا بەس مينۋتتا جەتكەن. ءورت 17:05-تە سوندىرىلگەن.
