وقيعا • 05 مامىر، 2022

الماتىدا پاتەر يەلەرى كووپەراتيۆىنىڭ بۇرىنعى باسشىسى قاماۋعا الىندى

31 رەت كورسەتىلدى

الماتىدا «پرەمەرا» تۇرعىن ءۇي كەشەنىن باسقارعان پاتەر يەلەرى كووپەراتيۆىنىڭ (پيك) بۇرىنعى توراعاسى قاماۋعا الىندى. بۇل تۋرالى ناۋرىزباي اۋدانىنىڭ پروكۋرورلارى Facebook جەلىسىندە مالىمدەدى، دەپ حابارلايدى Egemen.kz.

 

ناۋرىزباي اۋدانىنىڭ پروكۋراتۋراسى بىرنەشە جىلدان بەرى تۇرعىن ءۇي كەشەنىن باسقارۋعا قاتىستى ماسەلەلەر تۇرعىندار اراسىندا نارازىلىق پەن كەلىسپەۋشىلىك تۋدىرعانىن حابارلادى.

ازاماتتاردىڭ وتىنىشتەرى مەن باسقا دا ماتەريالدارعا جۇرگىزىلگەن تالداۋ ناتيجەلەرىمەن سوتقا دەيىنگى تەرگەپ-تەكسەرۋدى باستاۋ ءۇشىن جەتكىلىكتى نەگىزدەر بار ەكەندىگى انىقتالدى. ساراپتاما قورىتىندىسى بويىنشا پاتەر يەلەرى كووپەراتيۆىنىڭ ەسەپشوتىندا 70 ميلليون تەڭگەدەن استام قاراجات جەتىسپەيتىنى انىقتالدى. تۇرعىندار نىساندى كۇتىپ ۇستاۋ بويىنشا قىزمەتتەر ءۇشىن تولەگەن، بىراق قارجى قالانىڭ كوممۋنالدىق قىزمەتتەرىنە تۇسپەگەن.

«وسىنى ەسكەرە وتىرىپ، اۋدان پروكۋراتۋراسىمەن پيك-ءتىڭ بۇرىنعى توراعاسىن كۇدىكتى دەپ تانۋ تۋرالى شەشىم كەلىسىلدى، قر قك-ءنىڭ 189-بابى 4-بولىگى 2-تارماعى (ياعني اسا ءىرى مولشەردە جاسالعان بوتەننىڭ مۇلكىن ۇرلاۋ) بويىنشا ونىڭ ارەكەتتەرىنىڭ بىلىكتىلىگى انىقتالدى. سونداي-اق پروكۋراتۋرا جاسالعان قىلمىستىڭ اۋىرلىعىن ەسكەرە وتىرىپ، تەرگەۋ ورگاننىڭ بۇرىنعى پيك توراعاسىن قاماۋعا الۋ قاجەتتىلىگى تۋرالى ءوتىنىشىن قولدادى، ول كەيىننەن سوتتىڭ سانكتسياسىمەن قاماۋعا الىندى. قازىرگى ۋاقىتتا تەرگەۋ جالعاسىپ جاتىر. تەرگەۋ اياقتالعاننان كەيىن قىلمىستىق ءىستى قاراۋ جانە تۇپكىلىكتى ۇكىم شىعارۋعا سوتقا جىبەرىلەدى»، دەپ حابارلادى پروكۋراتۋرادان.

پروكۋراتۋرانىڭ قابىلداعان شارالارىمەن كوممۋنالدىق قىزمەتتەر الدىنداعى بەرەشەكتەرىنە قاراماستان، وسى تۇرعىن ءۇي كەشەنى ەلەكتر – جىلۋمەن جابدىقتاۋدان اجىراتۋعا جول بەرىلگەن جوق.



سوڭعى جاڭالىقتار

اينالما جولدىڭ ازابى

ايماقتار • كەشە

ۇقساس جاڭالىقتار