بقو سوتىنىڭ ءباسپاسوز قىزمەتى ءمالىم ەتكەندەي, سىرىم اۋداندىق سوتىنىڭ ۇكىمىمەن اۋداندىق ءبىلىم ءبولىمىنىڭ بۋحگالتەرى اقكەنجە كۋشاەۆا قر قك 189-بابى 4-بولىگى 2-تارماعىنا سايكەس ايىپتى دەپ تانىلدى.
ا.كۋشاەۆا مۇلكىن تاركىلەۋسىز 7 جىل 6 اي مەرزىمگە باس بوستاندىعىنان ايىرۋ جازاسىن قاۋىپسىزدىگى ورتاشا قىلمىستىق-اتقارۋ جۇيەسى مەكەمەسىندە وتەۋگە ۇكىم كەسىلدى. كىشكەنتاي بالالارى بولعاندىقتان, قر قك 74-بابى 1-ءبولىمى نەگىزىندە تاعايىندالعان جازانى وتەۋ مەرزىمى بەس جىلعا كەيىنگە قالدى.
ول سونداي-اق مەملەكەتتىك مەكەمەلەردە, كۆازيمەملەكەتتىك سەكتور سۋبەكتىلەرىندە, كوممەرتسيالىق جانە كوممەرتسيالىق ەمەس ۇيىمداردا قارجىلىق قىزمەتپەن جانە ماتەريالدىق جاۋاپكەرشىلىكپەن بايلانىستى لاۋازىمداردى اتقارۋ قۇقىعىنان 10 جىلعا ايىرىلدى.
سوتتا انىقتالعانىنداي, ا.كۋشاەۆا ءبولىم باسشىسى مەن باس ەسەپشىنىڭ ەلەكتروندى ساندى قولىن پايدالانا وتىرىپ, قارجىنى تۋىستارى مەن ارىپتەستەرىنىڭ ەسەپشوتىنا اۋدارعان. ولار اقشانى كۋشاەۆاعا قايتا اۋدارعان نەمەسە قولما-قول بەرگەن. وسىنداي جولمەن بارلىعى 31 ملن تەڭگە جىمقىرىلعان.
سوت ۇكىمى كۇشىنە ەنگەن جوق.
