مەملەكەت باسشىسى جوعارى وقۋ ورنىنىڭ ءبىلىم بەرۋ, عىلىمي-زەرتتەۋ جۇمىستارىمەن جانە ۋنيۆەرسيتەتتى ودان ءارى دامىتۋ ستراتەگياسىمەن تانىستى.
قاسىم-جومارت توقاەۆقا كامپۋستى, عىلىمي ورتالىقتار مەن زەرتحانالاردى دامىتۋ جوسپارى كورسەتىلدى. سونىمەن قاتار قازاقستان پرەزيدەنتىنە عىلىم, دەنساۋلىق ساقتاۋ, تسيفرلاندىرۋ, اۋىل شارۋاشىلىعى, ەكولوگيا جانە سپورت سالالارىنداعى ءارتۇرلى ءبىلىم بەرۋ جوبالارى مەن باعدارلامالارى تانىستىرىلدى. ۋنيۆەرسيتەت وسى جوبالار مەن باعدارلامالار ارقىلى مەملەكەت باسشىسىنىڭ باستامالارىن جۇزەگە اسىرۋعا ءوز ۇلەسىن قوسىپ كەلەدى.
قاسىم-جومارت توقاەۆقا ۋنيۆەرسيتەتتىڭ شەتەلدىك جەتەكشى عىلىمي, ءبىلىم بەرۋ ورتالىقتارىمەن ىنتىماقتاستىعى, مەديتسينا جانە يننوۆاتسيالىق كلاستەرلەردىڭ جۇمىستارى, سونداي-اق وقۋ ورنى تۇلەكتەرىنىڭ ستارتاپ-جوبالارى جونىندە مالىمەت بەرىلدى.
مەملەكەت باسشىسى اقىلدى جۇيەلەر جانە جاساندى ينتەللەكت ينستيتۋتىنىڭ جوبالارىمەن جانە ەنەرگەتيكالىق عارىش زەرتحاناسىنىڭ قىزمەتىمەن تانىستى.
وقۋ ورنىن ارالاپ كورگەن قاسىم-جومارت توقاەۆ ستۋدەنتتەرمەن اڭگىمەلەسىپ, ۋنيۆەرسيتەتتىڭ قۇرمەتتى قوناقتار كىتابىنا قولتاڭباسىن قالدىردى.
