مويىنقۇم اۋدانىنىڭ اۋماعىندا جەدەل الدىن الۋ ءىس-شارالارىن جۇرگىزۋ بارىسىندا تابيعاتتى قورعاۋ پوليتسياسىنىڭ ينسپەكتورلارىمەن وبلىستىق ماڭىزى بار اۆتوجولدا جوندەۋ جۇمىستارىن جۇزەگە اسىراتىن جشس-ءنىڭ سەكسەۋىل اعاشتارىن زاڭسىز كەسۋ دەرەگى انىقتالدى.
اتالعان ۇيىم جەرگىلىكتى اتقارۋشى ورگاننىڭ رۇقساتىنسىز جول جيەكتەرى ەنىنىڭ ستاندارتتارىن بۇزعان. بەس تەكشە مەتر قىزىل كىتاپقا ەنگەن وسىمدىكتى جويعان.
اتالعان دەرەككە قاتىستى پوليتسيا قىزمەتكەرلەرىمەن قازاقستان رەسپۋبليكاسى قىلمىستىق كودەكسىنىڭ 340-بابى 1-بولىگى بويىنشا سوتقا دەيىنگى تەرگەۋ امالدارى باستالدى.
قازىر مەملەكەتكە كەلتىرىلگەن شىعىن كولەمى انىقتالۋدا. سوت-بيولوگيالىق ساراپتاما تاعايىندالدى.
ايانا توعانبەك
