اقتوبە وبلىستىق پوليتسيا دەپارتامەنتى جازعى دەمالىس كەزەڭىنىڭ باستالۋىنا بايلانىستى جازاتايىم وقيعالاردىڭ الدىن الۋ ماقساتىندا كامەلەتكە تولماعان بالالاردىڭ بوس ۋاقىتىن جانە ءجۇرىپ-تۇراتىن جەرلەرىن مۇقيات باقىلاۋ قاجەت ەكەنىن ەسكەرتەدى.
جاز مەزگىلى باستالىسىمەن كوشەلەردە جانە اۋلالاردا اتا-اناسىنىڭ قاداعالاۋىنسىز قالعان بالالاردىڭ جوعالۋ جاعدايلارى جيىلەدى. اتا-انالار تاراپىنان باقىلاۋدىڭ جوقتىعىنان بالالار جول-كولىك وقيعالارىنىڭ قۇربانى بولىپ, ءتۇرلى جازاتايىم وقيعالارعا تاپ بولادى.
مىسالى, 28 ساۋىردە اعايىندى جۇبانوۆتار كوشەسىندە ورنالاسقان كوپقاباتتى ءۇيدىڭ ەكىنشى قاباتىنان ەكى جاسار قىز قۇلاپ كەتكەن. ول كەزدە اناسى ۇيدە بولعان, بىراق بالانى قاراۋسىز قالدىرعان. قىز بالا ءتۇرلى دەنە جاراقاتتارىمەن بالالار اۋرۋحاسىنا جاتقىزىلدى.
وسىعان بايلانىستى پوليتسيا دەپارتامەنتى اتا-انالاردان بالالاردى قاراۋسىز قالدىرماۋدى سۇرايدى. بالالارعا جول جانە سۋ ايدىندارىندا قاراپايىم ءجۇرىس-تۇرىس ەرەجەلەرىن ۇيرەتۋ كەرەكتىگىن ەسكەرتەدى.
ايانا توعانبەك
