27 ساۋىردە قىزمەت بابىنداعى قامقورلىعى ءۇشىن قاراماعىنداعى قىزمەتكەرلەردەن 178 مىڭ تەڭگە مولشەرىندە پارا العانى ءۇشىن شىمكەنت پوليتسيا مايورى ك. ءالىمحانوۆ ۇستالدى. ءالىمحانوۆتىڭ ءوز قىزمەتكەرلەرىنەن جالپى قامقورلىعى ءۇشىن پولك باسشىلىعىنا 2021 جىلدىڭ مامىرىنان 2022 جىلدىڭ ساۋىرىنە دەيىن اي سايىن پارا الۋدىڭ قوسىمشا فاكتىلەرى انىقتالدى.
ءالىمحانوۆتىڭ اۆتوكولىك قۇرالىن ماس كۇيىندە جۇرگىزگەنى ءۇشىن اكىمشىلىك جاۋاپكەرشىلىككە تارتپاي روتا ينسپەكتورلارىمەن الدىن الا ءسوز بايلاسۋ بويىنشا ادامداردان 130 مىڭ تەڭگە سوماسىندا پارا العان. سونداي-اق ءالىمحانوۆتىڭ زاڭدا كوزدەلگەن دەمالىس كۇندەرىن بەرگەنى ءۇشىن قول استىنداعىلاردان 2 مىڭ تەڭگە مولشەرىندە جۇيەلى تۇردە پارا العانى انىقتالدى.
الىمحانوۆقا قاتىستى سوت «كۇزەتپەن ۇستاۋ» تۇرىندەگى بۇلتارتپاۋ شاراسىن تاڭدادى. تەرگەۋ جالعاسۋدا. وزگە اقپارات قر قپك 201-بابىنا سايكەس جاريا ەتۋگە جاتپايدى.
سىبايلاس جەمقورلىققا قارسى قىزمەت پەن ءىىم-ءنىڭ سىبايلاس جەمقورلىق فاكتىلەرىن انىقتاۋ جانە جولىن كەسۋ جونىندەگى بىرلەسكەن جۇمىسى جالعاسادى.
