وسى رەتتە ۆانداليزم سالدارىنان پايدا بولعان اقاۋلار (سىنعان شامدار, ورىندىقتار, پليتكالار, جارىقتاندىرۋ تىرەكتەرى, كىشى ارحيتەكتۋرالىق فورمالار جانە ت.ب.) جويىلادى, اقاۋلى اكتىلەر مەن سمەتالار جاسالادى.
اباتتاندىرۋ ەلەمەنتتەرىنىڭ مەرزىمىنەن بۇرىن بۇزىلۋىنا اكەپ سوققان ساپاسىز ورىندالعان قۇرىلىس-مونتاجداۋ جۇمىستارىنىڭ فاكتىلەرى بويىنشا مەردىگەرلەر زاقىمدانۋلاردى جويادى. ايتا كەتۋ كەرەك, جىلدان جىلعا ساپالى ماتەريالدار قولدانىلۋدا, قوعامدىق كەڭىستىكتەر مەن اباتتاندىرۋ ايماقتارىن جوبالاۋ تاسىلدەرى جەتىلدىرىلىپ جاتىر.
«كوكتەمنىڭ باسىنان باستاپ جۇمىسشىلار جوندەۋ-قالپىنا كەلتىرۋ جۇمىستارىنا كىرىستى. ەگەر جۇمىس ساپاسىز ورىندالسا-مەردىگەرلەر ءوز كەمشىلىكتەرىن مىندەتتى تۇردە ءوز ەسەبىنەن جويادى. ەگەر مۇنداي فاكتىلەر ءبىر مەردىگەرمەن قايتالانسا, وندا ول كەيىننەن «قارا تىزىمگە» ەنگىزىلىپ, ەندى كونكۋرستارعا قاتىسا المايدى.
وكىنىشكە قاراي, كەيبىر ادامدار ورتاق م ۇلىكتى وزدەرى بۇزاتىن ۆانداليزم فاكتىلەرى دە بار. ءبىز بارىمىزگە ورتاق م ۇلىككە مۇقيات بولۋىمىز كەرەك, ويتكەنى بارلىق قوعامدىق كەڭىستىكتەر, ەڭ الدىمەن, قالا تۇرعىندارىنىڭ تازا اۋادا ۋاقىت وتكىزە الۋى ءۇشىن جاسالادى. سونداي - اق, قوعامدىق كەڭىستىكتەردە كامەرالاردى قايتا ورناتۋدى جالعاستىرامىز, بۇل ادامداردى تارتىپكە كەلتىرۋگە دە, بۇزۋشىلىقتاردى تىركەۋگە دە مۇمكىندىك بەرەدى», دەدى ەلوردا اكىمىنىڭ ورىنباسارى نۇرلان نۇركەنوۆ.
