«بۇعان دەيىن حابارلانعانداي, تەرگەۋدىڭ اياقتالۋىنا قاراي قىلمىستىق ىستەر سوتقا جولدانۋدا. قازىرگى ۋاقىتتا, سوتقا 288 قىلمىستىق ءىس جولداندى, ونىڭ 208-ءى الماتى قالاسىندا, الماتى وبلىسى – 49, جامبىل – 10, شىمكەنت قالاسىندا – 9, قىزىلوردا – 5, تۇركىستان – 4, اقمولا – 2 جانە اتىراۋ وبلىسىندا – 1», دەدى باس پروكۋراتۋرا وكىلى ورتالىق كوممۋنيكاتسيالار قىزمەتىندە وتكەن بريفينگىدە.
ونىڭ ايتۋىنشا, اتالعان ىستەر نەگىزىندە 275 ادام سوتتالعان.
«ونىڭ ىشىندە 22 ادام باس بوستاندىعىنان ايىرۋعا, قالعاندارىنا باس بوستاندىعىن شەكتەۋ, قوعامدىق جۇمىستار جانە ايىپپۇل تۇرىندەگى جازا قولدانىلدى», دەدى ەلدوس قيلىمجانوۆ.
