قارجى • 30 ءساۋىر، 2022

سالىق تولەمەۋدىڭ سالدارى قانداي بولماق

55 رەت كورسەتىلدى

 

قازاقستاندىقتاردىڭ كولىك قۇرالدارىنا سالىناتىن سالىق سومالارى بويىنشا بەرەشەك تۋرالى PUSH-حابارلامالار بانكتىك قوسىمشالارعا جىبەرىلۋدە. بۇل تۋرالى قارجى مينيسترلىگى مەملەكەتتىك كىرىستەر كوميتەتىنىڭ ءباسپاسوز قىزمەتى حابارلادى دەپ جازادى Egemen.kz

 

2021 جىلعا جەكە تۇلعالاردىڭ كولىك قۇرالدارىنا سالىق تولەۋ مەرزىمى 2022 جىلعى 1 ساۋىردە اياقتالعان بولاتىن. 2022 جىلعى 2 ساۋىردەن باستاپ سالىق سوماسىن ۋاقىتىلى تولەمەگەن تۇلعالارعا سالىق بەرەشەگى تۋرالى حابارلاما جىبەرىلدى. سالىق بەرەشەگى تۋرالى حابارلاما تابىس ەتىلگەن كۇننەن باستاپ وتىز جۇمىس كۇنى وتكەن سوڭ 3 063 تەڭگەدەن كوپ (1 ەسەلەنگەن اەك) مولشەردە سالىق بەرەشەگى تولەنبەگەن جاعدايدا سالىق ورگانى سالىق بۇيرىعىن شىعارادى. سالىق بەرەشەگىن وتەمەگەن جەكە تۇلعالارعا بەرەشەك سومالارىن ماجبۇرلەپ ءوندىرىپ الۋ تۋرالى ءتيىستى سالىق بۇيرىقتارى جىبەرىلەدى. سالىق بۇيرىعى تابىس ەتىلگەن كۇننەن باستاپ 5 جۇمىس كۇنى ىشىندە بەرەشەك وتەلمەگەن جاعدايدا، ءتيىستى سالىق بۇيرىعى جەكە سوت ورىنداۋشىلارىنا ماجبۇرلەپ ءوندىرىپ الۋعا جىبەرىلەدى، دەلىنگەن ۆەدومستۆو حابارلاماسىندا. 

سونىمەن بىرگە  جەكە سوت ورىنداۋشىلارى بەرەشەك سوماسىنان باسقا قوسىمشا جەكە تۇلعالاردان سالىق بەرەشەگى سوماسىنىڭ 25%-نا دەيىن قىزمەت كورسەتۋ اقىسىن ءوندىرىپ الادى، شوتتاردى بۇعاتتاۋدان تۋىنداعان قولايسىزدىقتار تۋرالى ايتپاعاندا. وسىعان بايلانىستى، جەكە سوت ورىنداۋشىلارىنا الىمدى تولەۋ جانە بەرەشەكتى ماجبۇرلەپ ءوندىرىپ الۋعا بايلانىستى قولايسىزدىقتاردى تولەۋ ەسەبىنەن بورىشتىڭ ۇلعايۋىن بولدىرماۋ ءۇشىن ازاماتتارعا قولدا بار سالىق بەرەشەگىن وتەۋدى جانە كەيىننەن مەملەكەت الدىنداعى وزدەرىنىڭ سالىق مىندەتتەمەلەرىن ۋاقىتىلى ورىنداعان ابزال. سالىقتىق بەرەشەگىنىڭ بار نەمەسە جوق ەكەندىگى تۋرالى مالىمەتتەردى (AppStore، PlayMarket) e-Salyq Azamat ءموبيلدى قوسىمشاسى ارقىلى تەكسەرۋگە بولادى. ول ءۇشىن e-Salyq Azamat→ەلەكتروندى سەرۆيستەر→سالىق جانە الەۋمەتتىك تولەمدەر بويىنشا بەرەشەك تۋرالى قىزمەتى→جسن-دى ەنگىزۋ قاجەت. 

بۇدان باسقا، قازىرگى ۋاقىتتا سالىق ورگاندارىمەن كولىك قۇرالدارىنا سالىناتىن سالىق سومالارى بويىنشا بەرەشەك ەلدەگى بانكتەردىڭ ءموبيلدى قوسىمشالارىن پايدالانۋشىلارعا PUSH-حابارلاما تۇرىندە جىبەرىلىپ جاتىر.

 

سوڭعى جاڭالىقتار

دوللار ارزاندادى

ەكونوميكا • بۇگىن، 15:50

ۆاكتسينا سالدىرعاندار سانى ارتتى

كوروناۆيرۋس • بۇگىن، 09:17

1227 قازاقستاندىق ىندەتتەن ساۋىقتى

كوروناۆيرۋس • بۇگىن، 09:08

وتكەن تاۋلىكتە 1169 ادام ىندەت جۇقتىردى

كوروناۆيرۋس • بۇگىن، 09:01

ۇقساس جاڭالىقتار