ۇيىمداستىرۋشىلار جارمەڭكەنىڭ ماقساتى جۇمىسسىز ازاماتتاردى, ءبىلىم بەرۋ ۇيىمدارىنىڭ تۇلەكتەرىن جانە جاستاردى جۇمىس بەرۋشى مەن جۇمىس ىزدەۋشى اراسىنداعى تىكەلەي بايلانىس ارقىلى جۇمىسقا ورنالاستىرۋ بولىپ تابىلاتىنىن اتاپ ءوتتى.
ايتا كەتەيىك, جارمەڭكەگە قالانىڭ 30-دان استام جۇمىس بەرۋشىسى قاتىسىپ, بوس جۇمىس ورىندارىن ۇسىندى. جاستار ءۇشىن بۇل بوس جۇمىس ورىندارى نارىعىن وزدەرى قالاعان سالادا زەرتتەۋگە جانە بىرنەشە جۇمىس بەرۋشىلەرمەن ءبىر جەردە تىكەلەي سويلەسۋگە تاماشا مۇمكىندىك.
ايتا كەتۋ كەرەك, بوس ورىندار جارمەڭكەسى كومپانيالار ءۇشىن دە, ىزدەنۋشىلەر ءۇشىن دە اقىسىز نەگىزدە وتكىزىلەدى.
سونىمەن قاتار, جارمەڭكەدە حالىقتى جۇمىسپەن قامتۋ, «باستاۋ بيزنەس» باعدارلاماسى بويىنشا كەڭەس الۋعا جانە مەملەكەتتىك گرانتتار تۋرالى بىلۋگە بولادى.
«مۇنداي ءىس - شارالارعا قاتىسۋدىڭ مانساپتىق جولىن باستاعان جاس ۇرپاق ءۇشىن ماڭىزى زور, ويتكەنى ول قىزمەتتىڭ ەڭ قىزىقتى سالالارىن جانە قىزمەتكەر رەتىندە ءوزىنىڭ «قۇنىن» انىقتاۋعا كومەكتەسەدى», دەپ اتاپ ءوتتى «استانا جاستارىندا».
