باعدارلاما شەڭبەرىندە ەل جولدارىنىڭ بويىندا 11500-گە جۋىق جول بەلگىسى مەن شاقىرىمدىق بەلگىنىڭ 2500-دەن استامى, 683 اقپاراتتىق پاننو, سونداي-اق 28 مىڭ دابىل باعاناسى ورناتىلماق.
بۇدان بولەك, رەسپۋبليكالىق ماڭىزى بار جولداردىڭ 600 مىڭ شارشى مەترىنە كەزەكتى جوندەۋ جۇرگىزۋ جوسپارلانۋدا. اتاپ ايتقاندا, شۇڭقىرلاردى جوندەۋ (474 مىڭ م2), جولدى تەگىستەۋ (93 مىڭ م2), بويلىق جانە كولدەنەڭ دەفورماتسيالىق جىكتەردى جويۋ (6 284 مىڭ پ.م). سونداي-اق, 672 مىڭ شارشى مەتر جولدا جارىقتاردى بىتەۋ ىسكە اسىرىلماق.
سونىمەن قاتار, 4 مىڭ شارشى مەتردەن استام جولعا شۋ جولاقتارى ورناتىلادى. بۇدان بولەك, شامامەن 406 جول بۋفەرى, 141 مىڭنان استام كاتافوت جانە 32 جارىقديودتى جول بەلگىسى قويىلادى.
رەسپۋبليكالىق جولداردا, سونداي-اق, 63 مىڭ مەترگە قورشاۋلار مەن اۆتوموبيل پاۆيلوندارى مەن دەمالىس الاڭدارىنىڭ 168 بىرلىگىن قۇرۋ جانە جوندەۋ جوسپارلانۋدا. جالپى, جولشىلار بيىل 15 باعىتتى قامتيتىن بولادى.
