19 ساۋىردە تەمىرتاۋداعى پب شىعىس پوليتسيا بولىمىنە 36 جاستاعى قالا تۇرعىنى بالالارى ساۋىقتىرۋ ۇيىمدارىنىڭ بىرىنە بارعان كەزدە, ولاردىڭ سپورت جابدىقتارىن بەلگىسىز بىرەۋ ۇرلاپ كەتكەنىن ايتقان. شىعىن سوماسى 50 مىڭ تەڭگەنى قۇراعان.
«22 ساۋىردە جەدەل-ىزدەستىرۋ شارالارى بارىسىندا كريمينالدىق پوليتسيا قىزمەتكەرلەرى 31 جاستاعى ەر ادامدى ۇستادى. ول بالالاردىڭ زاتتارىن ۇرلاعانىن تولىق مويىندادى. زاتتاي دالەلدەمەلەر الىندى», دەدى پد ءباسپاسوز قىزمەتى.
سوتقا دەيىنگى تەرگەۋ بارىسىندا ءتارتىپ ساقشىلارى كۇدىكتىنىڭ وسىعان ۇقساس تاعى ءۇش قىلمىسقا قاتىسى بارىن انىقتاعان. ونىڭ بارلىعى وسى ساۋىقتىرۋ ورتالىعىندا جاسالعان. مىسالى, ۇرى 6 ساۋىردە باسسەيندە ءجۇزىپ جۇرگەن ءبىر وقۋشىنىڭ جوقتىعىن پايدالانىپ, شەشىنۋ بولمەسىندەگى شكافتاردىڭ بىرىنەن بالانىڭ ۇيالى تەلەفونىن ۇرلاپ كەتكەن. قولدى بولعان تەلەفوننىڭ قۇنى – 129 مىڭ تەڭگە. ۇرىعا قاتىستى قر قك 188-بابى بويىنشا قىلمىستىق ءىس قوزعالدى.
