ونەر • 28 ءساۋىر، 2022

«Qyzğaldaq-2022» ءىى حالىقارالىق ستۋدەنتتىك بايقاۋى ءوتتى

2022 جىلدىڭ 25-27 ءساۋىر ارالىعىندا ت.ق. جۇرگەنوۆ اتىنداعى قازاق ۇلتتىق ونەر اكادەمياسىندا «Qyzğaldaq-2022» ءىى حالىقارالىق ستۋدەنتتىك كونكۋرس-پلەنەرى ءوتتى، دەپ حابارلايدى Egemen.kz.

جانبولات كەنجەعۇل

جاس تالانتتار بايقاۋىن اكادەميا گالەرەياسى جانە «كوركەمسۋرەت» كافەدراسى ۇيىمداستىردى.

بايقاۋعا «كەسكىندەمە» باعىتى بويىنشا (بەينەلەۋ ونەرى، ديزاين جانە قولدانبالى ونەر سالاسى) قازاقستان جانە وزگە ەلدەردەگى جوعارى وقۋ ورىندارىنىڭ ستۋدەنتتەرى شاقىرىلدى.

قازاقستان، وڭتۇستىك كورەيا، وزبەكستان، قىرعىزستان ەلدەرىنىڭ ونعا جۋىق ۋنيۆەرسيتەتىنەن 20-دان اسا ستۋدەنت ونەر بايگەسىندە باعىن سىنادى.

26 ءساۋىر كۇنى كونكۋرس-پلەنەر قاتىسۋشىلارى «شارىن» شاتقالىنا ساياحات جاساپ، تابيعات كورىنىسىنەن ەتيۋد جازدى.

ال 27 ساۋىردە الماتى قالاسىنىڭ تاريحي، مادەني ورىندارىمەن، كورىكتى جەرلەرىمەن تانىسىپ، شاھاردى ارالادى.

سونداي-اق وسى كۇنى بايقاۋ جەڭىمپازدارى مەن نوميناتسيا يەگەرلەرى انىقتالىپ، جابىلۋ سالتاناتىندا ماراپاتتالدى.

كونكۋرستىق كوميسسيا قۇرامىندا ت.ق. جۇرگەنوۆ اتىنداعى قازۇوا-سىنىڭ پروفەسسور-وقىتۋشىلارى، قازاقستاننىڭ بەلگىلى سۋرەتشىلەرى جانە شەتەلدىك سۋرەتشى ماماندار بولدى.

كوميسسيا مۇشەلەرىنىڭ شەشىمى بويىنشا جەڭىمپازدار مەن ارنايى نوميناتسيا يەگەرلەرى:

باس جۇلدە (گران-پري) ديپلومى – ارىكوۆ دىيكانبەك (تۇرعىنباي سادىكوۆ اتىنداعى ۇلتتىق ونەر اكادەمياسى، قىرعىزستان رەسپۋبليكاسى)

ءى دارەجەلى ديپلوم – سماگۋلوۆا جانەل (قازاق ۇلتتىق ونەر ۋنيۆەرسيتەتى «شابىت»)

ءىى دارەجەلى ديپلوم – ومۋركۋلوۆ بايامان (تۇرعىنباي سادىكوۆ اتىنداعى ۇلتتىق ونەر اكادەمياسى، قىرعىزستان رەسپۋبليكاسى)

ءىىى دارەجەلى ديپلوم – سقاقوۆا اقەركە (تەمىربەك جۇرگەنوۆ اتىنداعى قازاق ۇلتتىق ونەر اكادەمياسى)

«ەڭ ۇزدىك كومپوزيتسيالىق شەشىم» – حان سانگ (وڭتۇستىك كورەيا، چۋنگنام ۇلتتىق ۋنيۆەرسيتەتى)

«ەڭ ۇزدىك كولوريستىك شەشىم» – ەركىن قاينار (اباي اتىنداعى قازاق ۇلتتىق پەداگوگيكالىق ۋنيۆەرسيتەتى، «ونەر، مادەنيەت جانە سپورت» ينستيتۋتى)

«ەڭ ۇزدىك تابيعات كورىنىسى» – اتانباەۆ ءالىم (تەمىربەك جۇرگەنوۆ اتىنداعى قازاق ۇلتتىق ونەر اكادەمياسى)

«كورەرمەن كوزايىمى» - مادىبەرگەن نۇرداۋلەت (تەمىربەك قارا ۇلى جۇرگەنوۆ اتىنداعى قازاق ۇلتتىق ونەر اكادەمياسى)

ايتا كەتسەك، ت. ق. جۇرگەنوۆ اتىنداعى قازاق ۇلتتىق ونەر اكادەمياسىنىڭ رەكتورى، قر ەڭبەك سىڭىرگەن قايراتكەرى ازامات ساتىبالدى، اكادەميا پروفەسسورى، «قۇرمەت» وردەنىنىڭ يەگەرى عازيز ەشكەنوۆ، قر ەڭبەك سىڭىرگەن قايراتكەرى، قازاقستان سۋرەتشىلەر وداعىنىڭ توراعاسى ومىربەك جۇبانيازوۆ، قر جاس سۋرەتشىلەر وداعىنىڭ توراعاسى نۇرلان ساتاەۆ، قايرات زاۋىتبەكوۆ سىندى ازاماتتار بايقاۋعا دەمەۋشىلىك ەتتى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز