كەڭەستە بايانداما جاساعان ۇلتتىق ەكونوميكا ءمينيسترى الىبەك قۋانتىروۆ ەىدۇ-مەن ءتيىمدى ىنتىماقتاستىقتى جالعاستىرۋ ءۇشىن قازاقستاننىڭ ەۋرازيالىق باسەكەگە قابىلەتتىلىك باعدارلاماسىنا قاتىسۋى تۋرالى كەلىسىمنىڭ قولدانىلۋ مەرزىمىن 2024 جىلعى 1 قاڭتارعا دەيىن ۇزارتۋ قاجەت ەكەنىن حابارلادى.
باعدارلاما ينۆەستيتسيالار تارتۋ, ەۋرازيادا باسەكەگە قابىلەتتىلىكتى ارتتىرۋ جانە جەكە كاسىپكەرلىكتى دامىتۋ ماقساتىندا ىسكە اسىرىلادى. قازاقستان وعان 2008 جىلدان بەرى قاتىسىپ كەلەدى.
بۇدان باسقا, ەىدۇ جەلىسى بويىنشا ىنتىماقتاستىقتىڭ باسىم سالالارىن ايقىندايتىن نەگىزگى قۇجات بولىپ تابىلاتىن قازاقستان ۇكىمەتى مەن ەىدۇ اراسىنداعى ءوزارا تۇسىنىستىك تۋرالى مەموراندۋمنىڭ قولدانىسىن 2023-2026 جىلدارعا ۇزارتۋ تالاپ ەتىلەدى. سونداي-اق كەڭەس بارىسىندا قر مەملەكەتتىك ورگاندارىن ۇيىمنىڭ قۇرىلىمدىق بولىمشەلەرىنە بەكىتەتىن قازاقستاننىڭ ەىدۇ-مەن 2025 جىلعا دەيىنگى ءوزارا ءىس-قيمىلىنىڭ وزەكتەندىرىلگەن باعدارلاماسى قارالدى.
جاڭارتىلعان باعدارلامانىڭ نەگىزگى باعىتتارى ۇلتتىق ستاتيستيكا, سىبايلاس جەمقورلىققا قارسى كۇرەس, بيزنەس ورتانى دامىتۋ جانە ينۆەستيتسيالار تارتۋ, مەملەكەتتىك باسقارۋ جانە زاڭ ۇستەمدىگى بولدى. كەڭەستە ۇزاق مەرزىمدى سەرىكتەستىككە جاڭا سەرپىن بەرۋ ءۇشىن ەىدۇ تاراپى باستاماشى بولعان 2022-2025 جىلدارعا ارنالعان ءىس-قيمىل جوسپارىنىڭ (Action Plan) جوباسى قارالدى.
Action Plan-عا بىرقاتار تاقىرىپتىق شولۋ (ەلدىڭ ەكونوميكالىق جۇيەسىنىڭ اعىمداعى جاي-كۇيىنىڭ ەىدۇ ستاندارتتارىنا سايكەستىگىنە تالداۋ جاساۋ كىرەدى, ونىڭ ناتيجەسى بويىنشا ۇسىنىمدار بەرىلەدى), ءۇش قۇقىقتىق قۇرالعا قوسىلۋ (ەىدۇ نورماتيۆتىك قۇجاتتارى, ونىڭ ىشىندە شەشىمدەر, ۇسىنىمدار مەن كودەكستەر) جانە تالدامالىق قۇرالدار بويىنشا جۇمىس جۇرگىزۋ كىرەدى.
سونداي-اق كەڭەس بارىسىندا ءبىزدىڭ ەلىمىز قابىلداعان مىندەتتەمەلەر شەڭبەرىندە ەىدۇ جەلىسى بويىنشا قازاقستاندا جۇمىس ىستەيتىن ۇلتتىق بايلانىس ورتالىعىنىڭ قىزمەتى قارالدى. ۇبو ماقساتى – ترانسۇلتتىق كومپانيالاردىڭ ەىدۇ-نىڭ بيزنەستى جاۋاپكەرشىلىكپەن جۇرگىزۋ جونىندەگى باسشىلىق قاعيداتتارىن بۇزۋى تۋرالى وتىنىشتەردى قاراۋ. قازاقستان اۋماعىندا ۇبو ءتيىمدى جۇمىس ىستەۋى ءۇشىن 2022 جىلعا ارنالعان ءىس-شارالار جوسپارى ازىرلەندى, وندا ۇيىمداستىرۋ ءىس-شارالارى: نورماتيۆتىك قۇقىقتىق بازانى قالىپتاستىرۋ, سەمينارلار/ۆەبينارلار وتكىزۋ, وتىنىشتەردى قاراۋ قامتىلادى.
پرەمەر-مينيستر ەىدۇ-مەن ىنتىماقتاستىقتىڭ اتالعان باعىتتارىن ماقۇلدادى. بۇل رەتتە ءاليحان سمايىلوۆ قازاقستان ءۇشىن ماڭىزدى ەمەس شىعىنداردى الىپ تاستاۋ ءۇشىن بىرقاتار جەكەلەگەن تارماقتى ورىنداۋدىڭ ورىندىلىعىن تاعى ءبىر پىسىقتاۋدى تاپسىردى.
«بۇگىن ايتىلعان ماسەلەلەردىڭ ماڭىزى زور. ەىدۇ ۇسىنىمدارىن جۇزەگە اسىرۋ جانە ستاندارتتارىن ەنگىزۋ – ۇيىمعا قوسىلۋمەن قاتار, قازاقستان ازاماتتارىنىڭ ءال-اۋقاتىن جاقسارتۋدىڭ دا نەگىزگى قادامى», دەپ اتاپ ءوتتى ۇكىمەت باسشىسى.
