«قارجى پيراميدالارى وتە كۇردەلى ماسەلە. اسىرەسە ءبىزدىڭ وڭىرلەردە حالىقتىڭ, تۇرعىنداردىڭ قارجىلىق ساۋاتسىزدىعىن پايدالانىپ, كوبىنە الاياقتىق ىستەر جاساپ جاتادى. بۇل ەندى ءبىر جاعىنان قىلمىستىق ءىس دەپ ايتۋعا بولادى. سەبەبى, سول قارجى پيراميدالارىنىڭ بەرگەن ۋادەلەرىنە ادامدار سەنىپ, سوڭعى اقشالارىن اپارىپ بەرەدى. وتكەندە سولارعا الدانعان ءبىر ايەلدىڭ ءوزىن-ءوزى ورتەگەنىنە دە كۋا بولدىق. سوندىقتان ءماجىلىس دەپۋتاتتارى زاڭ جوباسىن جاساپ شىقتىق», دەدى ول ءماجىلىستىڭ ءباسپاسوز الاڭىندا.
ونىڭ ايتۋىنشا, بۇل زاڭ جوباسىنىڭ قولعا الىنۋىنا دەپۋتاتتار باستاماشى بولعان.
«تاياۋ ۋاقىتتا وسى زاڭ جوباسى قابىلدانادى. ونىڭ ىشىندە قارجى پيراميدالارىنا بوگەت جاسايتىن باپتار بار. نەگىزگىسى قوعامعا بەلگىلى ادامدارعا, ارتىستەردىڭ, ۆاينەرلەردىڭ ءىس-ارەكەتتەرىنە, اسىرەسە سول الاياقتىق ەكەنىن ءبىلىپ تۇرىپ جارناما جاسايتىن بولسا, كومەكتەسەتىن بولسا, ولار قىلمىستىق جاۋاپقا تارتىلادى.
قازىر ءدال ۋاقىتىن ايتا المايمىن. بىراق بيىلعى ءبىرىنشى جارتىجىلدىقتا ىسكە الارمىز دەپ ويلايمىن», دەدى ەرلان قوشانوۆ.
