ءباسپاسوز قىزمەتىنىڭ مالىمەتىنشە, جاسىرىن تەرگەۋ ارەكەتتەرىنىڭ ناتيجەسىندە قاراعاندى وبلىسىنىڭ ساران قالاسىندا جالعا الىنعان قويمادا سۋرروگات الكوگول ءونىمىن وندىرەتىن استىرتىن تسەح ۇيىمداستىرىلعانى انىقتالدى.
اتالعان تسەح ونىمدەرى قاراعاندى وبلىسىنىڭ بازارلارى مەن دۇكەندەرىنە وتكىزىلىپ كەلگەن. ءتىنتۋ كەزىندە جالپى كولەمى 10 مىڭ ليترگە جۋىق 4 مىڭ دانا سۋرروگات ءسپيرتىنىڭ پلاستيكالىق بوتەلكەلەرى, 500 ليتر كولەمىندەگى 100 دانا پلاستيكالىق ىدىستار, جالپى كولەمى شامامەن 12 مىڭ ليتر 20 مىڭنان استام دانا ءار ءتۇرلى شاراپ جانە اراق ونىمدەرى تاركىلەندى.
«اتالعان فاكتى بويىنشا قىلمىستىق كودەكستىڭ 214-بابىنىڭ 1-بولىگى بويىنشا سوتقا دەيىنگى تەرگەپ-تەكسەرۋ جۇمىستارى باستالىپ, وندىرىلگەن جانە وتكىزىلگەن ءونىمنىڭ بارلىق كولەمىن انىقتاۋ بويىنشا جەدەل-ىزدەستىرۋ شارالارى جۇرگىزىلىپ جاتىر», دەلىنگەن حابارلامادا.
