وندا قازاقستانداعى بۇكىل اۋداننىڭ بيۋدجەتى اشىق كورسەتىلدى. قاي اقشا قايدا جۇمسالىپ جاتقانى جاريالاندى. بۇعان كوپشىلىك تاڭعالدى. ءاربىر ادام ۇيىندە وتىرىپ-اق پروبلەمالاردى اشىق كورسەتە الادى. ونىڭ ءبارىنىڭ ءتىزىمى ازىرلەنىپ قويىلعان بولاتىن. لايك باسۋ ارقىلى قوعامنىڭ نازارىن اۋداراتىن نەگىزگى ماسەلە العا شىعادى.
ەكىنشىدەن, اۋىلعا نە جەتىسپەيدى؟ قوعامدىق ورتا كەرەك, ەستۋ قاجەت. وعان دا داۋىس كەرەك. بۇل بيزنەس اشقىسى كەلەتىن ازاماتتارعا دا ۇلكەن مۇمكىندىك. وسىنداي وتە ءتيىمدى تسيفرلى جوبالار جاسالعان ەدى. الايدا مۇنى جۇزەگە اسىرۋدا قيىنشىلىققا تاپ كەلدىك. ويتكەنى قولىمىزدا قاجەتتى رەسۋرس بولعان جوق. كەلەسى سايلاۋ قاشان وتەدى؟ وعان Adal پارتياسى قاجەتتى داۋىستى جيناي الا ما؟
وزەكتى ماسەلەلەردى فەيسبۋكتە وتىرىپ جازا بەرۋگە بولادى. بىراق حالىققا وزگەرىس ەرتەڭ ەمەس, ءدال قازىر كەرەك. سوندىقتان ءبىز جوسپارىمىز بەن يدەيالارىمىزدى جۇزەگە اسىرۋ ءۇشىن Amanat پارتياسىنا قوسىلۋعا شەشىم قابىلدادىق. بىرىنشىدەن, بۇل ءبىز ءۇشىن ۇلكەن مۇمكىندىك. ەكىنشىدەن, بۇل بيلىكتىڭ بىزبەن ساناسۋى, Adal پارتياسىنىڭ پوپۋليزممەن ەمەس, ناقتى تالداۋمەن اينالىساتىنىنا كوزى جەتكەندىگى دەپ ويلايمىن.
ويتكەنى بۇعان دەيىنگى سايلاۋالدى باعدارلاماسىندا جازعانىمىزدا, تەلەارنالاردا ايتقان سوزدەرىمىزدە حالىقتىڭ مۇڭ-مۇقتاجىن جوقتاۋعا تىرىستىق. مىسالى, ەڭ تومەنگى جالاقى مولشەرىن 60 مىڭ تەڭگەگە دەيىن كوتەرۋ تۋرالى ۇسىنىستى Adal پارتياسى ايتقان بولاتىن. سونداي-اق جەكە تۇلعالاردىڭ بانكروتتىعىن مويىنداۋ ماسەلەسىن دە ءبىز كوتەردىك. سايلاۋ الدىندا وڭىرلەردى تولىقتاي دەرلىك ارالاپ شىقتىق. حالىقتىڭ تەڭ جارتىسىنىڭ تابىسى 50-60 مىڭ تەڭگەدەن اسپايتىنىنا كۋا بولدىق. وسىنداي ءبىز كوتەرگەن ماسەلەلەر تۋرالى پرەزيدەنت ءوز سوزىندە ايتقان-دى.
سونىمەن قاتار اۋىل شارۋاشىلىعىمەن اينالىساتىن تۇرعىندارعا ارنالعان ارنايى جوبامىز بار. ول شارۋالاردىڭ ءىسىن دوڭگەلەتۋىنە كومەكتەسەدى. بىراق مۇنى جۇزەگە اسىرۋعا قاراجات جەتىسپەيدى. سوندىقتان يدەيالارىمىزدى جۇزەگە اسىرۋ ءۇشىن قوسىلىپ وتىرمىز. ءبىزدى شىن قولدايتىن, Adal-عا داۋىس بەرگەن ازاماتتار قۋانادى ءارى قولدايدى دەپ ويلايمىن. ويتكەنى بۇدان كەيىن سول ويلاردى, يدەيامىزدى جۇزەگە اسىرا الامىز. پارلامەنتتە ءۇنىمىز ەستىلەدى. زاڭ جوباسىن ازىرلەۋگە اتسالىسامىز.
پرەزيدەنت كونستيتۋتسيالىق رەفورما تۋرالى دا ايتىپ ءوتتى. بۇل – اۋقىمدى باستاما. جاڭا قازاقستان قازىرگى تاڭدا كۇن تارتىبىنەن تۇسپەي تۇر. جاڭا قازاقستاننىڭ ەسكى قازاقستاننان ايىرماشىلىعى نەدە؟ ەڭ ءبىرىنشى, بۇل جاسالاتىن ساياسي-ەكونوميكالىق رەفورمالارعا بايلانىستى. ونىڭ باسىندا, ارينە, كونستيتۋتسياعا ەنگىزىلەتىن وزگەرىستەر تۇرادى. جاڭا قۇجاتتا 30-دان استام باپ وزگەرتىلمەك. پرەزيدەنتكە, سايلاۋ جۇيەسىنە, پارلامەنتكە قاتىستى باپتارعا وزگەرىس ەنگىزىلەدى. ياعني حالىقتىڭ كوپتەگەن تالابى ورىندالىپ جاتىر. سەڭ قوزعالعانداي اسەر ەتتى. جاڭا قازاقستاندى ناۋقانشىلدىققا اينالدىرماۋ قاجەت. ناقتى ىستەردى قولعا الىپ, ناقتى قادامدارعا كوشۋ كەرەك. بۇل ءىس – سونىڭ باسى.
ماقسات تولىقباي,
Amanat پارتياسى جانىنداعى Miras رەسپۋبليكالىق قوعامدىق كەڭەسى توراعاسىنىڭ ورىنباسارى
