ءباسپاسوز قىزمەتى مالىمەتىنشە, مونوپولياسىزداندىرۋ جانە ىقتيمال شىعىندى وتەۋ ماقساتىندا الماتى اكىمدىگىنە كومپانيا يەلەرىنەن «الماتى سپەتستەحپاركينگ سەرۆيس» جشس-ءنىڭ 70 پايىز مولشەرىندەگى ۇلەسىن جانە «Alan Parking» جشس-ءنىڭ 100 پايىز ۇلەسىن قالا مەنشىگىنە قايتارۋ تۋرالى ۇسىنىس تۇسكەن.
«الماتى سپەتستەحپاركينگ سەرۆيس» جشس بىرىڭعاي وپەراتور رەتىندە قالانىڭ 5 اۋدانىندا (المالى, بوستاندىق, جەتىسۋ, مەدەۋ, تۇركسىب) ورنالاسقان تروتۋار تۇراقتارىنا قىزمەت كورسەتۋگە ماماندانعان. اكىمدىككە وسى جشس-ءنىڭ 30 پايىزى تيەسىلى.
«AlanParking» جشس 3 اۋداندا (الاتاۋ, بوستاندىق, جەتىسۋ) ورنالاسقان الاڭداعى اۆتوتۇراقتارعا قىزمەت كورسەتۋ جونىندەگى بىرىڭعاي وپەراتور سانالادى. جشس تولىعىمەن جەكە مەنشىكتە بولدى», دەلىنگەن حابارلامادا.
الماتى اكىمدىگى قولدانىستاعى زاڭناماعا سايكەس وسى كومپانيالارداعى ۇلەستەردى قايتارۋ تۋرالى ءتيىستى قاۋلى قابىلداعان.
«بۇگىندە اقىلى تۇراق جۇيەسى شتاتتىق رەجيمدە جۇمىس ىستەيدى. قاۋلىعا سايكەس, اقىلى تۇراقتار قىزمەتىنەن تۇسكەن بارلىق كىرىس بيىل 25 ساۋىردەن باستاپ قالا بيۋدجەتىنە باعىتتالادى.
قازىرگى ۋاقىتتا الماتى اكىمدىگى قالانىڭ تۇراق ايماعىن ۇيىمداستىرۋ جونىندە بىرىڭعاي وپەراتور قۇرۋ بويىنشا جۇمىستى باستادى. قولدانىستاعى زاڭنامادا بەلگىلەنگەن رۇقسات بەرۋ قۇجاتتارىن الۋ مەرزىمدەرىن, سونداي-اق مونوپولياعا قارسى ورگاندارمەن كەلىسۋ قاجەت ەكەنىن ەسكەرە وتىرىپ, بىرىڭعاي وپەراتور 2022 جىلعى 1 تامىزعا دەيىن قۇرىلادى», دەلىنگەن حابارلامادا.
سونداي-اق الماتى تۇرعىندارىنىڭ شاعىمدارى نەگىزىندە سەرۆيس ساپاسىن ارتتىرۋ ماقساتىندا اقىلى تۇراقتار جۇمىسىن جەتىلدىرۋ ءۇشىن كەشەندى شارالار قابىلداناتىنى ايتىلدى.
«الداعى ۋاقىتتا حالىقارالىق تاجىريبەنى قولدانا وتىرىپ, قالالىق تۇراق كەڭىستىگىن دامىتۋ جانە كوشەلەر مەن اۋلالاردى اباتتاندىرۋ ءۇشىن اقىلى تۇراقتاردان تۇسەتىن تۇسىمدەردى پايدالانۋ تۇجىرىمداماسىن ازىرلەۋ جوسپارلانىپ جاتىر. سونداي-اق جيناقتالعان پروبلەمالاردى شەشۋ ءۇشىن قالادا كوپ دەڭگەيلى تۇراقتار سالۋعا باسىمدىق بەرىلەدى», دەدى اكىمدىك وكىلدەرى.
قازىرگى ۋاقىتتا كومپانيا باسشىلارىنا قاتىستى قىلمىستىق ءىس قوزعالعان جانە بيۋدجەت قاراجاتىن جىمقىرۋعا قاتىستى تەرگەۋ امالدارى جۇرگىزىلىپ جاتىر.
