ينفراقۇرىلىم — باستى نەگىز

كەشە مۇناي جانە گاز ءمينيسترى ساۋات مىڭباەۆ ماڭعىستاۋعا جۇمىس ساپارىمەن كەلىپ كاسپي تەڭىزىنىڭ قازاقستاندىق بولىگىندە جاعالاۋ ينفراقۇرىلىمىن دامىتۋ ماسەلەلەرىنە ارنالعان جۇمىس توبىنىڭ كوشپەلى وتىرىسىن وتكىزدى. اتالمىش جۇمىس توبى قازاق­ستان­نىڭ ۇدەمەلى يندۋستريالىق-يننوۆاتسيالىق دامۋ باعدارلاماسى اياسىندا قۇرىلعان. ونىڭ باسىم باعىتتارىنىڭ  ءبىرى – مۇناي-گاز سالا­سىن, سونىڭ ىشىندە كاسپي تەڭىزىنىڭ قازاقستاندىق بولىگىندە جاعالاۋ ينفراقۇرىلىمىن دامىتۋ. جۇمىس توبى مۇناي جانە گاز, قور­شاعان ورتانى قورعاۋ, يندۋس­تريا جانە جاڭا تەحنولوگيالار, قارجى, اۋىل شارۋاشىلىعى مي­نيستر­لىكتەرىنىڭ وكىلدەرىنەن قۇ­رال­عان. باسقوسۋعا  پارلامەنت ءماجى­لىسىنىڭ دەپۋاتاتتارى, قازاقستان مۇناي جانە گاز ينستيتۋتى, ماڭ­عىستاۋ, اتىراۋ وبلىستارى اكىم­دىكتەرىنىڭ, ايماقتاعى ءىرى-ءىرى كەن يگەرۋشى كومپانيالاردىڭ وكىلدەرى قاتىستى. ماجىلىستە ماڭعىستاۋ وبلىسىنىڭ اكىمى ق.كوشەرباەۆ, يندۋستريا جانە جاڭا تەحنو­لو­گيا­لار ۆيتسە-ءمينيسترى ب.كا­ماليەۆ, “قا­زاقستان مۇناي جانە گاز ينستي­تۋتى” اق باس­قارۋشى دي­رەكتورى ج.قۇلەكەەۆ, اتىراۋ وبلى­سى اكى­مى­نىڭ ورىن­باسارى ا.ءابدىروۆ وف­فشور­لىق جوبالارداعى قازاق­ستان­دىق ۇلەس جونىندە باياندامالار جا­سادى. ماجىلىستە جەرگىلىكتى ما­ڭىز­داعى جوبالاردا قازاقستاندىق ۇلەس­تى دامىتۋ, قاشاعان جوباسى­نىڭ ەكىنشى كەزەڭىنىڭ تۇجىرىم­داماسىن تاڭداۋدىڭ اعىمداعى مارتەبەسى جانە ونىڭ 2010-2012 جىلدارى جۇزەگە اسىرىلۋىنىڭ نەگىزگى كەزەڭ­دەرى تۋرالى كەڭىنەن اڭگىمە بولدى. سونداي-اق وبلىس اكىمدىگىندە ينۆەستيتسيالىق جوبالاردى جۇزەگە اسىرۋ ماسەلەلەرى ءسوز بولىپ, اقتاۋ پلاستماسسالار زاۋىتىندا جول بي­تۋ­مىن ءوندىرۋ جانە “قازترانس­گاز­ايماق” اق-تىڭ ماڭعىستاۋ وبلىس­تىق گازبەن قامتۋ رىنوگىنا قو­سىلۋى” جوبالارى تانىستىرىلدى. جولامان بوشالاق, اقتاۋ.