ەلوردا اكىمدىگىنىڭ قورشاعان ورتانى قورعاۋ جانە تابيعاتتى پايدالانۋ باسقارماسىنىڭ مالىمەتىنشە, ءتارتىپ بۇزۋشىلار قىستا قاردىڭ استىنا جاسىرىپ قۇرىلىس قوقىستارىن شىعارادى. سونىمەن قاتار, تاعى 12 ۋچاسكە جويىلىپ, 2 مىڭ تونناعا جۋىق قوقىس شىعارىلدى. 2021 جىلى 330-دان استام رۇقسات ەتىلمەگەن قوقىس ءۇيىندىسى جويىلىپ, 60 مىڭ توننادان استام قوقىس شىعارىلدى, ال 2020 جىلى 220-دان استام ۋچاسكە جويىلعان بولاتىن.
رۇقسات ەتىلمەگەن قوقىس ۇيىندىلەرى پايدا بولماس ءۇشىن وتكەن جىلدىڭ ماۋسىم ايىنان باستاپ ەكولوگيالىق تالاپتاردى بۇزعانى ءۇشىن اكىمشىلىك ايىپپۇل مولشەرى 5 ەسە ءوستى: جەكە تۇلعالار ءۇشىن 10 اەك-تەن 50 اەك-كە دەيىن, شاعىن كاسىپكەرلىك سۋبەكتىلەرى نەمەسە كوممەرتسيالىق ەمەس ۇيىمدار ءۇشىن 20 اەك-تەن 100 اەك-كە دەيىن, ورتا كاسىپكەرلىك سۋبەكتىلەرى ءۇشىن 30 اەك-تەن 100%-عا دەيىن, ال ءىرى كاسىپكەرلىك سۋبەكتىلەرى ءۇشىن 200%-عا ءديىن.
2022 جىلدىڭ باسىنان بەرى 659 قۇقىق بۇزۋشى اكىمشىلىك جاۋاپكەرشىلىككە تارتىلىپ, 7 ملن 400 مىڭ تەڭگەدەن استام سوماعا ايىپپۇل سالىندى.
اۋداندىق اكىمدىكتەر, ەكولوگيا دەپارتامەنتى, تابيعاتتى قورعاۋ پوليتسياسى, «Ikomek 109» قىزمەتى «سەرگەك» قالالىق بەينەباقىلاۋ كامەرالارى ارقىلى سانكتسيالانباعان قوقىس ۇيىندىلەرىنىڭ پايدا بولۋىنا جول بەرمەۋ, ءتارتىپ بۇزعانداردى جاۋاپكەرشىلىككە تارتۋ ءۇشىن كۇشەيتىلگەن جۇمىس جۇرگىزىپ جاتىر.
