«ەگەر كومپيۋتەردە كامەرا بولماسا نەمەسە كامەرا جۇمىس ىستەمەسە, بەينە تەكسەرۋ سەرۆيسى - Digital ID پايدالانۋشىلارعا QR-كودتىڭ كومەگىمەن ەتسق-نى قاشىقتان الۋعا مۇمكىندىك بەرەدى», دەلىنگەن egov.kz-ءتىڭ ءىnstagram-داعى پاراقشاسىندا.
قىزمەتتى پايدالانۋ ءۇشىن:
اۆتوريزاتسيا بولىمىنە ءوتىڭىز;
«Digital ID» اۆتوريزاتسيالاۋ ءتاسىلىن تاڭداڭىز;
«Digital ID كومەگىمەن كىرۋ» تۇيمەسىن باسىڭىز;
تەلەفون ءنومىرىن جانە راستاۋ كودىن ەنگىزىڭىز;
تەلەفون كامەراسىن كومپيۋتەر ەكرانىندا كورسەتىلگەن QR كودىنا اپارىڭىز;
بەينە تەكسەرۋدەن ءوتىڭىز.
اتاپ ايتقاندا, بەينە تەكسەرۋدەن كەيىن, ءوز كومپيۋتەرىڭىزدە ەتسق الۋدى جالعاستىرا الاسىز.
«بەينە تەكسەرۋ سەرۆيسى - Digital ID پايدالانۋشىلارعا كومپيۋتەردە كامەرا بولماعان جاعدايدا نەمەسە جارامسىز بولعان كەزدە QR-كودتىڭ كومەگىمەن ەتسق-نى قاشىقتان الۋ ءۇشىن سايكەستەندىرۋ راسىمىنەن ءوتۋ مۇمكىندىگىن بەرەدى. جاڭا جاڭارتۋلار جەكە جانە زاڭدى تۇلعالار ءۇشىن قولجەتىمدى», دەلىنگەن EGov.kz پورتالىندا.
«ەتسق شىعارۋ eGov.kz پورتالىندا وتە تانىمال سەرۆيس, تەك وسى جىلدىڭ وزىندە ونى 4,8 ملن رەت مەملەكەتتىك قىزمەتتەردى الۋ ءۇشىن جاساعان. ءبىز ازاماتتاردان كوبىنەسە كومپيۋتەردە كامەرا جوق نەمەسە جۇمىس ىستەمەيدى دەگەن پىكىر الامىز. بۇل وزگەرىستەر ەتسق-نى قاشىقتان الۋ پروتسەسىن جەڭىلدەتەدى جانە ىڭعايلى ەتەدى», دەپ اتاپ ءوتتى «ۇلتتىق اقپاراتتىق تەحنولوگيالار» اق باسقارما توراعاسى روستيسلاۆ كونياشكين.
