قالالىق پوليتسەيلەر تۇرعىن ءۇي كوممۋنالدىق شارۋاشىلىق وكىلدەرىمەن بىرلەسىپ, اۆتوموبيل جولدارى مەن ەلدى مەكەندەردىڭ كوشەلەرىن, جول قۇرىلىستارىن كۇتىپ ۇستاۋ جاعدايلارىن تەكسەردى.
وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە, تەكسەرۋ ناتيجەسىندە 46 اقاۋ انىقتالىپ, ولاردى جويۋعا ۇيعارىم شىعارىلدى, ال انىقتالعان اقاۋلار جويىلعان.
سونىمەن قاتار 3 مىڭعا جۋىق جول بەلگىسى ورناتىلدى, 132 جاياۋ جۇرگىنشىلەر وتكەلى جابدىقتالدى, ونىڭ 9-ى رەتتەلەتىن, 123-ءى رەتتەلمەگەن.
«جولداردى, تەمىرجول وتپەلەرىن جانە باسقا دا جول قۇرىلىستارىن كۇتىپ ۇستاۋ ەرەجەلەرىن بۇزعانى ءۇشىن 7 لاۋازىمدى تۇلعا اكىمشىلىك جاۋاپكەرشىلىككە تارتىلدى. تەحنيكالىق اقاۋى بار كولىك قۇرالدارىن ىسكە قوسقانى ءۇشىن 16 لاۋازىمدى تۇلعا جانە باسقارۋ قۇقىعى جوق نەمەسە جۇرگىزۋ قۇقىعىنان ايىرىلعان جۇرگىزۋشىگە كولىك قۇرالىن باسقارۋعا رۇقسات بەرگەنى ءۇشىن ءۇش لاۋازىمدى تۇلعا جاۋاپكەرشىلىككە تارتىلدى», دەدى ەكىباستۇز قالاسى پب باستىعىنىڭ ءبىرىنشى ورىنباسارى تولەگەن قۇدايبەرگەنوۆ.
بۇدان باسقا, بۇزۋشىلىقتاردى جويۋ بويىنشا قابىلداناتىن شارالار تۋرالى اقپاراتتى ۋاقىتىلى ۇسىنباعانى ءۇشىن ءبىر جشس-عا قاتىستى قر اقبتك-ءنىڭ 462-بابى 4-بولىگى بويىنشا اكىمشىلىك ءىس قوزعالعان.
ماتەريال سوتقا جىبەرىلدى.
