جالپى اۋدانى 5,4 ملن شارشى مەتردەن استام ساياباقتار مەن گۇل باقتارىن جيناۋ جۇرگىزىلدى, 4 مىڭنان استام كوشەت (ەمەن, تاتار ۇيەڭكىسى, قاراعاي, جوكە, قايىڭ, پيراميدالىق تەرەك, قاراعاي) وتىرعىزىلدى.
«بىرگە – تازا قازاقستان» جالپىرەسپۋبليكالىق ەكولوگيالىق اكتسياسى قالانى اباتتاندىرۋ, كوگالداندىرۋ جانە سانيتارلىق تازالاۋ بويىنشا جۇمىستاردى جۇرگىزۋگە باعىتتالعان.
«بىزدە ماڭگىلىك ەل كوشەسى مەن تۇران كوشەسىنە دەيىنگى اۋماق بار. ادامدار سەنبىلىككە بارعىسى كەلەدى. سەنبىلىكتەر-بۇل جالپى كوماندالىق رۋحتى كوتەرەتىن ءىس-شارا دەپ سانايمىن. مەكتەپ كەزىنەن باستاپ اۋماقتاردى تازارتۋ كۇندەلىكتى كۇيبەڭ تىرشىلىكتەن الشاقتاۋعا كومەكتەسكەنىن ەسىمە تۇسىرەمىن. بۇل جەردە ارىپتەستەرىمىزگە جۇمىس پريزماسىنان تىس قاراپ, بىرىگىپ, مورالدىق تۇرعىدا دەمالىپ, دەنە شىنىقتىرۋمەن اينالىسا الامىز»,دەيدى قر ۇەم ىشكى اكىمشىلەندىرۋ دەپارتامەنتى ديرەكتورىنىڭ ورىنباسارى تىلەۋبەك بەلگىبەرزين.
قالانىڭ كەيبىر ۇجىمدارى مۇنداي سەنبىلىككە جىل سايىن شىعاتىنىن اتاپ ءوتتى. مىسالى, پرەزيدەنت اكىمشىلىگىندەگى ءبولىم مەڭگەرۋشىسى عاني تىلەۋبەكوۆ اكىمشىلىك 1998 جىلدان باستاپ قالادا 6 مىڭنان استام اعاش وتىرعىزعانىن ايتتى.
بيىل ءبىز ءداستۇر بويىنشا جالپىقالالىق سەنبىلىككە شىقتىق. ءبىز 1998 جىلدان باستاپ قالامىزدى كوگالداندىرۋ, جيناۋ بويىنشا سەنبىلىكتەرگە قاتىسامىز. ءبىز ءوز ۇلەسىمىزدى قوسۋدامىز, وسىنداي سەنبىلىكتەردىڭ وتكىزىلىپ جاتقانىنا ريزامىز", - دەدى تىلەۋبەكوۆ.
قالا ۇجىمدارىنىڭ بەلسەندى قاتىسۋى – قوعامنىڭ ءبىزدىڭ تابيعاتىمىزعا ۇقىپتى قاراۋىنىڭ باستى بەلگىسى, دەپ ەسەپتەيدى ءاليا قۇسپانوۆا.
«كوڭىل-كۇي دە, اۋا – رايى دا جاقسى-بارلىعى تاتۋ ۇجىم بولىپ جۇمىس ىستەۋگە مۇمكىندىك بەرىپ تۇر. ءتىپتى بالالارىن ەرتىپ كەلگەندەر دە بار. ءبىز ءۇشىن بۇل جۇمىستان تىس ورتادا سويلەسۋگە جاقسى سەبەپ. وسىلايشا, ءبىز بالالاردى, جاستاردى ەڭبەككە باۋليمىز», دەپ ءبولىستى ايەل.
قالامىزدىڭ اقساقالدارى دا قاراپ قالعان جوق. زەينەتكەر شىنبولات بەركاليەۆ بەلسەندى ۇزاق ءومىر ءسۇرۋ ورتالىعىنىڭ تۇراقتى كەلۋشىسى بولىپ تابىلادى. بۇگىن ول بارلىق تۇرعىندار سياقتى سەنبىلىككە شىعىپ, ەلوردانى كوركەيتۋگە ءوز ۇلەسىن قوستى.
«بۇگىن قالانىڭ بارلىق اۋداندارىندا سەنبىلىكتەر وتۋدە. ءبىز, بەلسەندى ۇزاق ءومىر ءسۇرۋ ورتالىعىنىڭ وكىلدەرى ءوز ۇلەسىمىزدى قوسۋعا كەلدىك. بارلىق تۇرعىنداردى استانامىزدى تازا ۇستاۋعا, بۇلدىرمەۋگە جانە وعان كۇتىم جاساۋعا شاقىرامىن», دەدى اقساقال.
