«استانالىق دەزينفەكتسيا» جشس-مەن بىرلەسىپ, وسىمەن ءۇشىنشى ماۋسىمدا ماسالاردى جويۋ جۇمىسىن جۇرگىزەمىز. بۇل شارا ولاردى ازايتۋعا باعىتتالعان. دەزينسەكتسيالىق جۇمىستاردى جۇرگىزۋگە 150 ادام جۇمىلدىرىلادى, ولار ارنايى روتورلارمەن جاراقتاندىرىلادى. سونداي-اق, سۋ ايدىندارىندا دا, قالانىڭ ىشكى كۆارتالدىق اۋماقتارىندا دا وڭدەۋ جۇمىستارىن جۇرگىزەتىن ارنايى تەحنيكا ىسكە قوسىلادى. قىزمەتكەرلەر تولىعىمەن نۇسقاۋلىقتان جانە كاسىبي دايارلىقتان ءوتتى. دەزينسەكتسيالىق جۇمىستار كەزىندە پايدالانىلاتىن پرەپاراتتار قولدانۋعا رۇقسات ەتىلگەن تىزىلىمگە ەنگىزىلگەن جانە سەس-پەن كەلىسىلگەن», دەيدى نۇر-سۇلتان قالاسى قورشاعان ورتانى قورعاۋ جانە تابيعاتتى پايدالانۋ باسقارماسى باسشىسىنىڭ ورىنباسارى جانار ەلۋانقىزى.
ءبىرىنشى كەزەكتە بيولوگتار, ەنتومولوگتار سۋ ايدىندارىندا دەرناسىلدەردىڭ بولۋىن تەكسەرەدى. ەگەر ولار تابىلسا, ماسالاردىڭ جاپپاي كوبەيۋىن بولدىرماۋ ءۇشىن روتورلى بۇرىككىشتەردىڭ كومەگىمەن نەمەسە دەزقۇرىلعىسى بار ارنايى ماشينالارمەن وڭدەلەدى. وسىدان كەيىن وڭدەۋ جۇمىسى قالانىڭ ىشكى كۆارتالدارىندا جالعاسادى.
قالادا ءىس-شارالار تۇنگى ۋاقىتتا - ساعات 21:00 - 04.00 ارالىعىندا وتكىزىلەدى. دەزينسەكتسيالىق جۇمىستار ءۇشىن قۇرامىندا حلورپيريفوس جانە مالاتيون اسەر ەتۋشى زاتى بار ادامدار مەن جانۋارلارعا قاۋىپتىلىگى از پرەپاراتتار قولدانىلادى. دەگەنمەن, دەزينسەكتسيا جۇمىستارى كەزىندە ساقتىق شارالارىن ۇستانۋ كەرەك. اتاپ ايتقاندا, وڭدەلگەن جەرلەرگە بارماۋ جانە وڭدەۋ كەزىندە تەرەزەلەردى جابۋ قاجەت.
