«21 ساۋىردە ساعات 19.28-دە پاۆلودار قالاسىنداعى وبلىستىق بالالار اۋرۋحاناسىنا 2007 جىلى تۋعان 8 «ب» سىنىپ وقۋشىسى جۇگىندى. ءورت كەزىندە ول ساباقتا بولعان. ەۆاكۋاتسيادان كەيىن ۇيىنە قايتقان, ال كەشكە جاعدايى ناشارلاعان», دەدى وبلىستىق ءبىلىم باسقارماسى وكىلدەرى.
مۇعالىمدەردىڭ ايتۋىنشا, زارداپ شەگۋشى كومىرقىشقىل گازىنا ۋلانىپ قالۋى مۇمكىن. وبلىستىق دەنساۋلىق ساقتاۋ باسقارماسى مالىمەتىنشە, قىز سوماتيكالىق بولىمدە جاتىر.
«بالا ينفۋزيون تەراپيا الىپ جاتىر. جاعدايى تۇراقتى», دەدى ۆەدومستۆو وكىلدەرى.
بۇعان دەيىن 47 جاستاعى فيزيكا ءپانىنىڭ مۇعالىمى ورتتەن زارداپ شەككەنى حابارلانعان بولاتىن. كومىرقىشقىل گازىنان ۋلانعان ايەل اۋرۋحاناعا جەتكىزىلگەن.
