وقيعا • 22 ءساۋىر، 2022

الماتىدا قىز الىپ قاشقانداردىڭ ارەكەتى پرانك بولىپ شىقتى

61 رەت كورسەتىلدى

الماتىدا ۆيدەوعا ءتۇسىپ قالعان قىز الىپ قاشقانداردىڭ ارەكەتى پرانك بولىپ شىقتى، دەپ حابارلايدى Egemen.kz قالالىق پوليتسيا دەپارتامەنتىنىڭ ءباسپاسوز قىزمەتىنە سىلتەمە جاساپ.

«اتالعان دەرەك بويىنشا تەكسەرۋ شارالارى جۇرگىزىلىپ، ناتيجەسىندە ونىڭ ۇيىمداستىرۋشىلارى مەن قاتىسۋشىلارى انىقتالدى. ولاردىڭ ءىس-ارەكەتىنە قۇقىقتىق باعا بەرىلەدى»، دەپ حابارلادى قالالىق پوليتسيا دەپارتامەنتىنەن.

سونىمەن قاتار پرانك جاساعان 18 جاستاعى بويجەتكەن حالىقتان كەشىرىم سۇرادى.

«بۇل الەۋمەتتىك ەكسپەريمەنت - پرانك ەكەنىن ايتقىم كەلەدى. مەن سول ۆيدەوداعى قىزبىن. مەندە ءبارى جاقسى، مەنى ەشكىم الىپ قاشقان جوق. جۇرتشىلىقتان كەشىرىم سۇرايمىز»، دەدى ول.

«شەۆرولە نەكسيا» اۆتوكولىگىنىڭ جۇرگىزۋشىسى – 1988 جىلى تۋعان ي.ەسىمدى ازامات تا انىقتالىپ اكىمشىلىك جاۋاپقا تارتىلدى.

«قۇقىق بۇزۋشىلىق دەرەگىنە سايكەس وعان قاتىستى قر اقبك-ءنىڭ 290 بابى 2 بولىگى (كق مەملەكەتتىك تىركەۋ نومىرلىك بەلگىسىنسىز باسقارۋ) جانە قر اقبك-ءنىڭ 601 بابى 1 بولىگى (جول بەلگىلەرى مەن تاڭبالارىنىڭ تالاپتارىن ساقتاماۋ) بويىنشا اكىمشىلىك حاتتامالار تولتىرىلدى. كولىك قۇرالى مامانداندىرىلعان ايىپپۇل تۇراعىنا قويىلدى»، دەپ اتاپ ءوتتى ۆەدومستۆادان.



 

سوڭعى جاڭالىقتار

جەتى وڭىردە 2 گرادۋس ۇسىك جۇرەدى

اۋا رايى • بۇگىن، 18:48

دوللار ارزاندادى

ەكونوميكا • بۇگىن، 15:50

ۇقساس جاڭالىقتار