جىل باسىنان بەرگى ءۇش اي ىشىندە تۇركىستان قالاسىندا ورناتىلعان بەينەباقىلاۋ كامەرالارى ارقىلى جالعان مەملەكەتتىك ءنومىر تاعۋدىڭ 8 دەرەگى مەن مەملەكەتتىك ءنومىرسىز جۇرگەن كولىكتەردىڭ 15-ءى انىقتالعان. ال تەرەزەسىن كۇڭگىرتتەگەن 12 كولىككە شارا قولدانىلعان.
سونداي-اق ىزدەۋدە جۇرگەن 2 جەڭىل اۆتوكولىك تابىلدى. بۇكىل قۇقىق بۇزۋشىلىق بويىنشا قازاقستان رەسپۋبليكاسى اقبتك-عا سايكەس اكىمشىلىك حاتتاما تولتىرىلدى. ماسەلەن, 7 ناۋرىزدا تۇركىستان قالالىق پوليتسيا باسقارماسىنا جەرگىلىكتى تۇرعىن ارىزدانعان. جابىرلەنۋشىنىڭ ايتۋىنشا, ول كولىك جوندەۋ ورنىنا «Merسedes-Benz-280» ماركالى اۆتوكولىگىن قالدىرعان. الايدا بىرەر كۇننەن كەيىن كەلگەندە كولىگىن رۇقساتسىز ايداپ كەتكەندەر جول كولىك وقيعاسىن جاساعان.
«كولىكتى ماس حالدە باسقارعانى ءۇشىن قر اقبتك-ءنىڭ 608-بابىمەن كىنالى دەپ تانىلىپ, 7 جىلعا كولىك قۇرالىن باسقارۋ قۇقىعىنان ايىرىلدى. سونداي-اق 20 تاۋلىككە اكىمشىلىك قاماۋعا الىندى. ال بىرەۋدىڭ كولىگىن رۇقساتسىز ءمىنىپ كەتكەنى بويىنشا قر قك 200-بابى 1-بولىگىمەن سوتقا دەيىنگى تەرگەۋ امالدارى ءجۇرىپ جاتىر», دەيدى تۇركىستان وبلىسى پوليتسيا دەپارتامەنتىنىڭ ءباسپاسوز قىزمەتى.
ايتا كەتەيىك, تۇركىستان وبلىسىندا 10 دانا بەينەباقىلاۋ كامەراسى ورناتىلدى. ونىڭ بەسەۋى 20 ساۋىردەن باستاپ ىسكە قوسىلدى.
