دامۋعا سەرپىن بەرەتىن قۇجات
قازاقستان پرەزيدەنتى قاسىم-جومارت توقاەۆتىڭ حالىققا جولداۋىن ۇلكەن قىزىعۋشىلىقپەن وقىپ شىقتىم. بۇل قۇجات قازاق حالقىنىڭ ودان ءارى دامۋىنا سەرپىن بەرەتىنىنە سەنىمدىمىن.
قازاقستاننىڭ ءوسىپ-وركەندەۋىنە كەپىلدىك بەرەتىن اۋقىمدى رەفورمالار ماۋسىمى باستالدى. ازاماتتاردىڭ قوعامدىق ومىرگە قاتىسۋىنا ىقپال ەتۋ ماقساتىندا ازاماتتىق قوعامنىڭ بەلسەندى قاتىسۋى قاجەت.
مۇنداي رەفورما رۋحى حالىقتارىمىز اراسىنداعى باۋىرلاستىق دوستىق قارىم-قاتىناستى نىعايتا تۇسەتىنىنە سەنىمدىمىن.
پاولو گيرەللي,
يتاليا-قازاقستان ساۋدا پالاتاسىنىڭ
پرەزيدەنتى
ەۋرازيانىڭ ەڭ ماڭىزدى كولىك تورابى
«جاڭا قازاقستاننىڭ» جاسارىپ, العا جىلجۋ مۇمكىندىگى تۋدى. پرەزيدەنت قاسىم-جومارت توقاەۆ ساياسي ورتادا تەپە-تەڭدىكتى ورناتۋعا ۇلكەن قادام جاسادى.
قازاقستان – ەۋرازيانىڭ ەڭ ماڭىزدى كولىك تورابى. ەلدەگى اۋە قاتىناسى دامىپ, ەۋروپالىق نارىققا ەنىپ كەلەدى. حالىقارالىق بيزنەس قازاقستانداعى ماڭىزدى ساياسي وقيعالاردى مۇقيات قاداعالاپ وتىر. ولار دەموكراتيا مەن جاڭعىرتۋعا قادام باسىپ, ينۆەستيتسيالىق احۋالدىڭ ودان ءارى جاقسارۋىن كۇتەدى.
ۆيگاۋداس ۋشاتسكاس,
ليتۆانىڭ بۇرىنعى سىرتقى ىستەر ءمينيسترى,
Avia Solutions Group حولدينگى ديرەكتور
كەڭەسىنىڭ مۇشەسى
ناقتى وزگەرىستەر قاجەت ەكەنى انىق
قازاقستان كەنەتتەن بۇرق ەتە تۇسكەن قايعىلى قاڭتار وقيعاسىنىڭ كۋاسى بولدى. پرەزيدەنت قاسىم-جومارت توقاەۆ ارقاشان ءوز حالقىمەن بىرگە ەكەنىن مالىمدەۋ ارقىلى حالىقارالىق قوعامداستىقتىڭ ىقىلاسىنا بولەدى.
بۇل ونىڭ مىقتىلىعىن كورسەتەتىنى ءسوزسىز. بۇل ۇزدىك باسشىعا ءتان ەرەكشە قاسيەت. مەملەكەت باسشىسى ەڭ شەشۋشى ساتتە حالىق ءۇشىن قولىنان كەلگەننىڭ ءبارىن جاساعانىنا سەنىمدىمىن.
ادال جانە ءادىل «ويىن ەرەجەلەرىن» قالىپتاستىرۋ, سونداي-اق بۇكىل سالاداعى مونوپوليانى جويۋعا باعىتتالعان قادامدار, بيلىككە ساياسي وزگەرىس جاساۋ تۋرالى مالىمدەمەسى قازىرگى كەزدە وتە وزەكتى دەپ ەسەپتەيمىن. جالپى, بۇل قازاقستاندا عانا ەمەس, باسقا پوستكەڭەستىك ەلدەردە دە ماڭىزىن جويعان جوق.
وعان قوسا, قازىر ەلگە تۇبەگەيلى رەفورمالار قاجەت ەكەنىنە نىق سەنەمىن. سونىمەن قاتار حالىققا ابستراكتىلى يدەيالار مەن ۋادەلەردىڭ قاجەتى جوق. بىراق قۋاتتى ازاماتتىق قوعامى بار ءتيىمدى «جاڭا قازاقستاندى» قۇرۋ ءۇشىن ناقتى وزگەرىستەر قاجەت ەكەنىنە كەلىسەمىن.
نينو بۋردجانادزە,
«دەموكراتيالىق قوزعالىس – ءبىرتۇتاس گرۋزيا»
ساياسي پارتياسىنىڭ جەتەكشىسى,
گرۋزيانىڭ مەملەكەت جانە ساياسي قايراتكەرى
حالىق مۇددەسىن ەسكەرگەنى كوكەيگە قوندى
قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ پارلامەنت پالاتالارىنىڭ بىرلەسكەن وتىرىسىندا قازاقستان حالقىنا ارناعان جولداۋىن جاريالادى. مەملەكەت باسشىسىنىڭ جولداۋى ساياسي رەفورمالاردىڭ تۇتاس باعدارلاماسىن قامتىعانى كوڭىل قۋانتتى.
قازاقستان پرەزيدەنتىنىڭ جولداۋى – جاقىن كۇندەرى مەملەكەتتىك اپپارات وكىلدەرى مەن ساياسي ەليتا وكىلدەرى باسشىلىققا الۋعا ءتيىس ناقتى باعدار. مەملەكەت باسشىسى دەموكراتيالىق رەفورمالاردىڭ تۇجىرىمدالعان تۇتاس كەشەنىن اتاپ ءوتتى. ناقتىراق ايتار بولساق, قازاقستان پارلامەنتىنىڭ قوعامداعى ءرولىن نىعايتۋ پروتسەسىن باستادى.
قاسىم-جومارت توقاەۆ ءوزىنىڭ بارلىق كۇش-جىگەرىن ەلدەگى تۇراقتىلىقتى ساقتاۋعا باعىتتاعانى انىق دەر ەدىم. اتاپ ايتقاندا, «قاسىرەتتى قاڭتار» وقيعاسىنا ايرىقشا نازار اۋدارعانى اڭعارىلدى. دامۋدىڭ داڭعىل جولىنا ءتۇسۋدى ماقسات ەتكەن ەلدىڭ ەرتەڭى مىزعىماس تىنىشتىقپەن ساباقتاس ەكەنىن پرەزيدەنت جاقسى تۇسىنەدى. جولداۋدا ايتىلعان رەفورمالار حالىقتىڭ دەموكراتيالىق قۇقىقتارىن جانە ازاماتتاردىڭ الەۋمەتتىك جاعدايىن نىعايتۋعا, ەليتالىق توپتاردىڭ, مونوپوليستەردىڭ مۇددەلەرىنە جانە سىبايلاس جەمقورلىققا قارسى ودان ءارى بەلسەندى ساياساتقا باعىتتالعان.
مەملەكەت باسشىسى ەلدەگى رەفورمالار قازاقستان حالقىنىڭ بىرتۇتاستىعىن ساقتاۋعا باعىتتالعانىن اتاپ ءوتتى. جىلدىڭ باستى قۇجاتى سانالعان جولداۋىندا پرەزيدەنت بۇگىندە بارلىق نازار «قاسىرەتتى قاڭتار» وقيعالارىنىڭ نەگىزگى سەبەپتەرىن جويۋعا جانە جۇيەلى رەفورمالاردى ەلدىڭ قۇقىق قورعاۋ ورگاندارىندا جۇرگىزۋگە باعىتتالۋعا ءتيىس ەكەنىن شەگەلەپ ايتتى.
ۇسىنىلعان رەفورمالار ءوزىنىڭ وڭ ناتيجەلەرىن بەرەتىندىگىنە ەشقانداي كۇمانىم جوق. ويتكەنى قاسىم-جومارت توقاەۆ ۇسىنعان ساياسي رەفورمالار پاكەتى ەلدەگى ناقتى جانە ەلەۋلى وزگەرىستەردى كورگىسى كەلەتىن حالىق پەن قاراپايىم ازاماتتاردىڭ مۇددەلەرىن ەسكەرەدى.
ارمان گۋكاسيان,
ساياساتكەر (ارمەنيا)
