«شاتىرداعى جانۋ الاڭى الدىن الا مالىمەت بويىنشا - 1200 شارشى مەتر. ءورت تاراپ كەتكەن, جانعىش زات, ءتۇتىن جانە ءورتتىڭ كەش انىقتالۋىنا بايلانىستى ءسوندىرۋ كەزىندە جاعداي قيىندادى. وزدەرى سوندىرۋگە تىرىسقان بولسا كەرەك. بارلىق كۇش پەن قۇرال جۇمىلدىرىلدى, جەكە قۇرام تارتىلدى. وقيعا ورنىندا 13 تەحنيكا مەن 70 ادام جۇمىس ىستەپ جاتىر», دەدى پاۆلودار وبلىسى توتەنشە جاعدايلار دەپارتامەنتى باسشىسىنىڭ ورىنباسارى قايرات شايماردەنوۆ.
ءورتتىڭ شىعۋ سەبەپتەرى, زيانى انىقتالىپ جاتىر.
سونداي-اق ۆەدومستۆو ورتتەن 47 جاستاعى مۇعالىم زارداپ شەككەنىن راستادى. كۋاگەرلەردىڭ ايتۋىنشا, ءورت مەكتەپ بولمەلەرىنىڭ بىرىندە شىعىپ, كەيىن شاتىرعا جايىلعان.
