ورداباسى اپب-ءنىڭ جپق ۋپي باقىتجان تۇرسىنباەۆ اۋماقتى ارالاپ, تەكسەرۋ جۇمىستارىن جۇرگىزۋ بارىسىندا ورداباسى اۋدانى تۇرعىنىنىڭ ءۇيىنىڭ اۋلاسىنداعى باقشا ىشىندە ەسىرتكى وسىرەتىندىگىن انىقتاعان.
اتالعان جايت قر قك-ءنىڭ 300-بابى (قۇرامىندا ەسىرتكى زاتتار بار, وسىرۋگە تىيىم سالىنعان وسىمدىكتەردى زاڭسىز ەگىپ-ءوسىرۋ) بويىنشا سدتبت-عا تىركەلدى.
ورداباسى اپب-نىڭ جەدەل-تەرگەۋ توبى حابار الىسىمەن اتالعان مەكەنجايعا شۇعىل جەتىپ, تۇرعىن ۇيگە ءتىنتۋ جۇمىستارىن جۇرگىزدى. تەكسەرۋ بارىسىندا كۇدىكتىنىڭ اۋلاسىنان ءتۇبى قوپسىتىلىپ, سۋعارىلىپ, كۇتىپ-باپتالعان بەس ءتۇپ جاسىل ءتۇستى, وزىنە ءتان ايرىقشا حوش ءيىسى بار, ەسىرتكىگە ۇقساس وسىمدىك زاتى انىقتالدى.
ايعاقتى زات تاركىلەنىپ, ءتيىستى ساراپتاماعا جىبەرىلدى. ساراپتاما قورىتىندىسىنا سايكەس, تاركىلەنگەن وسىمدىك سورا بولىپ شىقتى. قازىرگى تاڭدا اتالعان جايتقا بايلانىستى سوتقا دەيىنگى تەرگەۋ امالدارى جۇرگىزىلىپ جاتىر.
ايانا توعانبەك
