الدىڭعى كەزدەسۋدە اتا-انالاردان كەلىپ تۇسكەن ماسەلەلەر بويىنشا ءوڭىر باسشىسى بىرقاتار تاپسىرما بەرگەن بولاتىن. وسى ۋاقىتقا دەيىن اتقارىلعان جۇمىستار جايلى ۆەدومستۆو باسشىلارى باياندادى.
«اتا-انالاردىڭ ءوتىنىشى بويىنشا ساۋالناما ازىرلەندى, ول Google جۇيەسى ارقىلى ەكى تىلدە وزەكتەندىرىلدى. ساۋالناما ناتيجەلەرى تالداندى. اتا-انالارمەن كەزدەسۋدە قورىتىندى جاسالىپ, ءبىلىم بەرۋ ۇيىمدارىنىڭ باسشىلارىنا ءتيىستى تاپسىرمالار بەرىلدى. مامىر ايىندا بارلىق پروبلەمالىق ايماقتار بويىنشا قايتا ساۋالناما جۇرگىزىلەدى», دەدى ءبىلىم باسقارماسىنىڭ باسشىسى گۇلسىم قوجاحمەتوۆا.
سونداي-اق ءاۋتيزمى بار بالالارعا ارنالعان ورتالىق ءوز جۇمىسىن 1 قىركۇيەكتە باستايدى. قاراعاندىدا تاعى ءبىر پسيحولوگيالىق-مەديتسينالىق-پەداگوگيكالىق كونسۋلتاتسيانىڭ اشىلۋى بالالاردا دەرتتى ەرتە انىقتاۋعا مۇمكىندىك بەردى. كوللەدجدەردە وقۋىن جالعاستىرا المايتىن تۇلەكتەر ءۇشىن ونىنشى وندىرىستىك سىنىپتار اشىلدى. وندا جابدىقتار جاڭارتىلدى. سونداي-اق اگرارلىق, تىگىن جانە سلەسارلىق وقىتۋ ءۇشىن قاجەتتىنىڭ ءبارى ساتىپ الىندى.
«وڭىردە ەرەكشە بالالارمەن جۇمىس ىستەۋ ءۇشىن ماماندار دايارلاۋ جالعاسۋدا. مامىر ايىندا 600-دەن استام مۇعالىم مەن 60 اتا-انا قوسىمشا وقۋدان وتەدى. رەسەي اكادەمياسىنىڭ بەيىمدەلگەن دەنە شىنىقتىرۋ بويىنشا ونلاين كۋرستارى باستالادى. ولارعا 10 جاتتىقتىرۋشى قاتىسادى. ناتيجەسىندە ءاۋتيزمى بار تاعى 80 بالا ءجۇزۋدى ۇيرەنۋگە مۇمكىندىك الادى», دەدى ءبىلىم باسقارماسىنىڭ باسشىسى.
ال مادەنيەت باسقارماسى جىل سايىن ەرەكشە قاجەتتىلىكتەرى بار بالالاردىڭ كىرۋىنە ءوز مەكەمەلەرىن بەيىمدەۋگە تىرىسادى. بيىل ساڭىراۋلار مادەنيەت ءۇيى مەن ءۇش مۇراجاي – قاراعاندى تاريحي-ولكەتانۋ, بالقاش جانە قارقارالى مۇراجايلارى بەيىمدەلەدى. وتكەن كەزدەسۋدە اتا-انالار وڭالتۋ ورتالىقتارى تۋرالى اقپاراتتىڭ جوقتىعىنا شاعىمداندى. دەنساۋلىق ساقتاۋ باسقارماسىنىڭ وكىلى قازىر بارلىق مالىمەتتەر قولجەتىمدى ەكەنىن ايتتى.
سونداي-اق نۇر-سۇلتانداعى بالالاردى وڭالتۋدىڭ ۇلتتىق ورتالىعىنا كەزەك بويىنشا اقپارات ورنالاستىرىلدى. ينۆاتاكسي قىزمەتتەرىن پايدالانا الاتىن تۇلعالار ءتىزىمى كەڭەيتىلدى. قاراعاندىدا جاقىن ارادا ارنايى كولىك ءاۋتيزمى بار بالالارعا دا قولجەتىمدى بولادى. جەڭىس قاسىمبەك مۇنداي كەڭەستەردى تۇراقتى تۇردە وتكىزىپ, جاۋاپتى تۇلعالار مەن ۆەدومستۆولاردان ەرەكشە بالالاردىڭ اتا-انالارىندا تۋىندايتىن ماسەلەلەردى شەشۋدى تالاپ ەتەتىنىن جەتكىزدى.
