كەشە تۇنگى 2-ءنىڭ شاماسىندا جاڭاتاس قالاسىنداعى كوپقاباتتى ءۇيدىڭ شاتىرىنان ءورت شىقتى. شۇعىل ارەكەت جاساعان تجد ماماندارى 120 تۇرعىندى قاۋىپسىز ايماققا كوشىردى. ءتىلسىز جاۋدى اۋىزدىقتاۋعا 10 تەحنيكا مەن 50 ءورت ءسوندىرۋشى جۇمىلدىرىلدى. ناتيجەسىندە تاڭعى ساعات 5-تەر شاماسىندا قىزىل جالىن ءسوندى.
شاتىردىڭ 720 شارشى مەترى جانىپ كەتكەن. سونداي-اق 40 تۇرعىنعا, جاقىن ماڭداعى مەكتەپتەن توسەك ورىن دايىندالىپ, سوندا ورنالاستىرىلدى. زارداپ شەككەندەر مەن قايتىس بولعاندار جوق. قازىر جامبىل وبلىستىق توتەنشە جاعدايلار دەپارتامەنتىنەن شاقىرىلعان ارنايى ماماندار, ءورتتىڭ نەدەن شىققانىن انىقتاپ جاتىر.
