باقىتجان پوزيلوۆ ايەلىنىڭ سىرقاتىنا بايلانىستى قىزمەتىنەن كەتكەنىن مالىمدەدى.
«كەشە مەن جۇمىستان كەتۋ تۋرالى ءوتىنىش جازدىم. ونىڭ سەبەبى ايەلىمنىڭ سىرقاتتانىپ قالۋى. بۇيرەگى اۋىستىرىلدى. ايتا كەتەيىن, مەنى قىزمەتكە قيىن ساتتە تاعايىندادى. مەن وزىمە بەرىلگەن تاپسىرمانى بارىنشا از شىعىنمەن ورىندادىم دەپ ويلايمىن. پاندەميا بولعاندا ءۇش كۇن ۇيىقتاماعان ساتتەر دە بولدى. مەن شىمكەنتتەگى مەديتسينانىڭ دەڭگەيىن كوتەردىم», دەپ ءبولىستى ب. پوزيلوۆ.
سونداي-اق پوزيلوۆ ارىپتەستەرىنە كوروناۆيرۋس پاندەمياسى كەزىندە اتقارعان جۇمىسى ءۇشىن العىس ايتتى.
«قالاعاننىڭ ءبارىن ورىنداي الماعانىمىزدى مويىنداۋىم كەرەك, بىراق ماقتان ەتەتىن ناتيجەلەر بار! مەن بارلىق ارىپتەسىمە COVID-19-بەن كۇرەستە بىرىگە جۇمىس ىستەپ, جانقيارلىق كورسەتكەنى ءۇشىن العىس ايتامىن! بۇل - ورتاق جەڭىسىمىز! بارىنە راقمەت, كەزدەسكەنشە», دەدى قالالىق دەنساۋلىق ساقتاۋ باسقارماسىنىڭ بۇرىنعى باسشىسى.
ايتا كەتەيىك, باقىتجان پوزيلوۆ 2020 جىلدىڭ 2 قازانىندا شىمكەنت قالاسىنىڭ باس دارىگەرى بولىپ تاعايىندالعان.
