اتاپ وتىلگەندەي, قۇجات مەملەكەت باسشىسىنىڭ «جاڭا قازاقستان: جاڭارۋ مەن جاڭعىرۋ جولى» اتتى قازاقستان حالقىنا جولداۋى اياسىندا ازىرلەندى.
قازاقستاندا قۇقىق قورعاۋ قىزمەتىنىڭ تيىمدىلىگىن ارتتىراتىن جانە نورماتيۆتىك قۇقىقتىق اكتىلەردىڭ قر كونستيتۋتسياسىنا سايكەستىگىن قامتاماسىز ەتۋگە ىقپال ەتەتىن وكىلەتتىكتەردى بەرۋ ۇسىنىلادى.
اتاپ ايتقاندا, ادام قۇقىقتارى جونىندەگى ۋاكىلدى ۇيىمداستىرۋ ءتارتىبى مەن قىزمەتىنە جانە ونىڭ مارتەبەسىن ارتتىرۋعا قاتىستى نەگىزگى ەرەجەلەردى قايتا قاراستىرا وتىرىپ, قۇقىق قورعاۋ قۇرالدارىنىڭ مودەلىن وزگەرتۋدى كوزدەيتىن «قازاقستان رەسپۋبليكاسىنداعى ادام قۇقىقتارى جونىندەگى ۋاكىل تۋرالى» جاڭا كونستيتۋتسيالىق زاڭ ازىرلەۋ جوسپارلانۋدا.
«قازاقستان رەسپۋبليكاسىنداعى ادام قۇقىقتارى جونىندەگى ۋاكىل تۋرالى» كونستيتۋتسيالىق زاڭىندا كەلەسى ماسەلەلەر قامتىلۋى ءتيىس:
- ادام قۇقىقتارى جونىندەگى ۋاكىلدىڭ قۇقىقتىق مارتەبەسى, قىزمەتكە سايلاۋ جانە قىزمەتتەن بوساتۋ ءتارتىبى;
- ادام قۇقىقتارى جونىندەگى ۋاكىلدىڭ قۇزىرەتى جانە ونى جۇزەگە اسىرۋدىڭ ۇيىمداستىرۋشىلىق نىساندارى;
- ازاماتتاردىڭ شاعىمدارىن قاراۋدىڭ قۇقىقتىق نەگىزدەرى جانە وتىنىشتەردى كونستيتۋتسيالىق سوتقا جولداۋدىڭ نەگىزدەرى;
- ادام قۇقىقتارى جونىندەگى ۋاكىلدىڭ وتىنىشتەرى بويىنشا قولدانىلىپ جۇرگەن زاڭدار مەن وزگە دە قۇقىقتىق اكتىلەرگە كونستيتۋتسيالىق باقىلاۋ ەنگىزۋ;
- ادام قۇقىقتارى جونىندەگى ۋاكىلدىڭ جانە ونىڭ وبلىستاعى, رەسپۋبليكالىق ماڭىزى بار قالاداعى, ەلورداداعى وكىلىنىڭ, ادام قۇقىقتارى جونىندەگى ۇلتتىق ورتالىقتىڭ قىزمەتىن ۇيىمداستىرۋ;
- ادام قۇقىقتارى جونىندەگى ۋاكىل مەن ادام قۇقىقتارى جونىندەگى ۇلتتىق ورتالىقتىڭ قىزمەتىن ۇيىمداستىرۋ جانە قامتاماسىز ەتۋ ماسەلەلەرى.
كوزدەلگەن ماقسات:
- ازاماتتاردىڭ كونستيتۋتسيالىق باقىلاۋعا قول جەتىمدىلىگىن كەڭەيتۋ;
- ادامنىڭ جانە ازاماتتىڭ بۇزىلعان قۇقىقتارى مەن بوستاندىقتارىن قالپىنا كەلتىرۋ;
- زاڭدار مەن وزگە دە نورماتيۆتىك قۇقىقتىق اكتىلەردىڭ كونستيتۋتسياعا سايكەستىگىن قامتاماسىز ەتۋ;
- كونستيتۋتسيانىڭ زاڭناماداعى جانە قۇقىق قولدانۋداعى جاسامپازدىق الەۋەتىن جان-جاقتى اشۋ, قولدانىستاعى قۇقىقتىڭ ساپاسىن ارتتىرۋ;
- ادام قۇقىقتارى جونىندەگى ۋاكىلدىڭ قۇقىق قورعاۋ قۇرالدارىن كۇشەيتۋ;
- قوعامنىڭ جانە مەملەكەتتىك اپپاراتتىڭ كونستيتۋتسيالىق-قۇقىقتىق مادەنيەتىنىڭ دەڭگەيىن, ازاماتتاردىڭ مەملەكەتتىك ينستيتۋتتارعا سەنىمىن ارتتىرۋ.
قۇجات 11 مامىرعا دەيىن اشىق نقا سايتىندا جاريا تالقىلاۋ ءۇشىن ورنالاستىرىلعان.
