بۇل باستاما پەداگوگيكالىق جوعارى وقۋ ورىندارى مەن ءبىتىرۋشى تۇلەكتەرى ءۇشىن جاۋاپتى قادام بولماق. وسى ورايدا ءبىلىم الۋشىلاردى دايىنداۋ سالالىق جوعارى وقۋ ورىندارىنىڭ مىندەتى.
ۇلتتىق بىلىكتىلىك تەستىلەۋىن وتكىزۋ ەرەجەلەرى مەن شارتتارى بويىنشا اقپاراتتىق-ءتۇسىندىرۋ جۇمىستارىن جۇرگىزۋ ماقساتىندا اباي اتىنداعى قازۇپۋ باسقارما توراعاسى - رەكتور دارحان ءبىلالوۆ Town Hall فورماتىندا ۋنيۆەرسيتەت ستۋدەنتتەرىمەن كەزدەسۋ وتكىزدى. ءىس-شاراعا اكادەميالىق ماسەلەلەر جونىندەگى پرورەكتور ماقتاعالي بەكتەمەسوۆ جانە دەپارتامەنت ديرەكتورلارى قاتىستى.
دارحان ءبىلالوۆ بۇل ءۇردىستىڭ بولاشاق پەداگوگتار ءۇشىن ماڭىزدىلىعىن اتاپ ءوتتى.
ء«بىز بولاشاق پەداگوگتاردى دايارلايمىز, ءبىز ءۇشىن ولاردىڭ جوعارى ساپالى ءبىلىمى ماڭىزدى. قۇرمەتتى ءبىلىم الۋشىلار! ەلىمىزدىڭ بولاشاعى سىزدەرگە بايلانىستى. سوندىقتان ءاربىر تۇلەك ۇبت-عا جاۋاپكەرشىلىكپەن قاراۋى كەرەك. ۋنيۆەرسيتەتىمىزدىڭ پروفەسسورلارى مەن وقىتۋشىلارى سىزدەرگە ءبىلىم بەردى, كاسىبي تاجىريبەلەرىمەن ءبولىستى. ۇلتتىق بىلىكتىلىك تەستىنە دايىندالۋ ءۇشىن بارلىق رەسۋرستاردى پايدالانۋ كەرەك. ۇبت-دان ستۋدەنتتەرىمىز ءوتۋى ءۇشىن ۋنيۆەرسيتەت تاراپىنان بارلىق قاجەتتى جاعدايلار جاسالعان», دەدى رەكتور. تۇلەكتەردى جۇمىسقا ورنالاستىرۋ ۋنيۆەرسيتەتتىڭ ماڭىزدى مىندەتتەرىنىڭ ءبىرى. بۇگىندە بۇل كورسەتكىش 96 پايىزدى قۇراپ وتىر.
ءبىلىم بەرۋ ساپاسىن ارتتىرۋ پەداگوگتەردىڭ كاسىبيلىگىمەن تىكەلەي بايلانىستى, ءاربىر ءبىلىم بەرۋ ۇيىمىنىڭ ءتيىمدى جۇمىسىنىڭ نەگىزى ەكەنى باسا ايتىلدى. سوندىقتان بولاشاق مۇعالىمدەردىڭ بىلىكتىلىك دەڭگەيىن انىقتاۋ قۇرالى رەتىندە بۇل تەستىلەۋدىڭ ماڭىزى زور.
ماقتاعالي بەكتەمەسوۆ پەداگوگيكالىق كادرلاردى دايارلاۋ ساپاسىن كۇشەيتۋگە باعىتتالعان ۇبت تاپسىرۋ ەرەجەلەرى مەن شارتتارى تۋرالى, ءبىتىرۋشى كۋرس ستۋدەنتتەرى ءۇشىن جاڭاشىلدىق پەن ايقىن ماقساتتىلىعى تۋرالى ايتىپ بەردى. ال بولاشاق پەداگوگتار ۇبت تەستىن تاپسىرعاننان كەيىن مەكتەپتەرگە جۇمىسقا قابىلداناتىن بولادى.
اباي ۋنيۆەرسيتەتىنىڭ تەستىلەۋ ورتالىعى ۇبت-عا دايىندالۋ ماقساتىندا ءبىتىرۋشى كۋرس ءبىلىم الۋشىلارىنىڭ سىناق تەستىلەۋىن ىسكە قوستى. ولاردىڭ ارقايسىسى ىڭعايلى ۋاقىتتا, كەز كەلگەن جەردە, كەز كەلگەن قۇرىلعىدان ارنايى ءپان مەن پەداگوگيكا, وقىتۋ ادىستەمەسى بويىنشا سىناق تەستىلەۋدەن وتە الادى. ۋنيۆەرسيتەت كىتاپحاناسى ۇلتتىق بىلىكتىلىك تەستىلەۋىنە دايىندالۋ ءۇشىن وقۋ-ادىستەمەلىك كەشەندەرمەن (وقۋ پاندەرى, پەداگوگيكا, وقىتۋ ادىستەمەسى) جابدىقتالعان.
كەزدەسۋ بارىسىندا ستۋدەنتتەر وزدەرىن تولعاندىرعان سۇراقتارعا جاۋاپ الىپ, پىكىرلەرىمەن ءبولىستى.
