ىرىسكەلدى قاجى مەشىتىنىڭ ماڭىنداعى ەسىل وزەنىنىڭ جاعالاۋىن جيناۋ كەزىندە ۆولونتەرلەردى ۇيلەستىرۋشىلەردىڭ ءبىرى سالماعى 2-3 كگ بولاتىن كۇماندى پاكەت تاپتى.
«ۆولونتەر دەرەۋ پوليتسيا دەپارتامەنتىنىڭ قىزمەتكەرلەرىنە حابار بەردى. وسىدان كەيىن تابىلعان زاتتىڭ ىشىندە نە بارىن انىقتاۋ ءۇشىن قۇقىق قورعاۋ ورگاندارىنا تاپسىرىلدى. ەكولوگيالىق اكتسيانىڭ پايداسى قورشاعان ورتانى تازالاۋمەن عانا ەمەس, ادام ومىرىنە زيانى ءتيۋى مۇمكىن وسىنداي زاتتاردى تابۋمەن دە ماڭىزدى. ەلوردامىزدىڭ ۆولونتەرلەرى ناشاقورلىقتىڭ كەز كەلگەن تۇرىنە مۇلدەم توزبەۋشىلىك مادەنيەتىن ناسيحاتتاپ جۇرگەنى قۋانتادى. ءبىز ەلوردالىق جاستاردىڭ ءبارىن وسىعان شاقىرامىز», دەپ اتاپ ءوتتى قالانىڭ جاستار ساياساتى ماسەلەلەرى باسقارماسىنىڭ باسشىسى قايرات قامباروۆ.
اكىمدىك سەنبىلىكتەرگە بەلسەندى قاتىسقان قالا تۇرعىندارى مەن قوناقتارىن كۇدىكتى زاتتار تابىلعان جاعدايدا دەرەۋ پوليتسيا ورگاندارىنا حابارلاۋعا شاقىرادى.
