ايماق باسشىسى بۇل ماسەلەنىڭ ماڭىزدىلىعىن, تۇرعىنداردىڭ تالاي جىلدان بەرى كوتەرىپ كەلە جاتقان وزەكتى ءوتىنىشى ەكەندىگىن باسا ايتتى.
ء«بىز بۇل جۇمىستى تەزىرەك قولعا الۋ كەرەكپىز. الداعى ۋاقىتتا شەشىلمەس وتە كۇردەلى ماسەلەگە اينالۋى مۇمكىن», دەدى ول.
ەنەرگەتيكا جانە تۇرعىن ءۇي كوممۋنالدىق شارۋاشىلىعى باسقارماسىنىڭ باسشىسى قۇدايبەرگەن قورعانباەۆ رەسپۋبليكا كولەمىندە كارىز تازارتۋ عيماراتتارىن سالۋدى حالىقارالىق قارجى ۇيىمدارىنىڭ قارجىسىنا ىسكە اسىرۋ تۋرالى شەشىم قابىلدانىپ, 53 قالالاردىڭ تىزىمىنە تاراز, شۋ, قاراتاۋ, جاڭاتاس قالالارى ەنگىزىلگەندىگىن جەتكىزدى.
«قازاقستان رەسپۋبليكاسىنىڭ پرەمەر-ءمينيستردىڭ توراعالىعىمەن وتكەن كارىز-تازارتۋ قۇرىلىستارىن سالۋ جانە رەكونسترۋكتسيالاۋ ماسەلەلەرى جونىندەگى كەڭەستە مەملەكەتتىك-جەكەشەلىك ارىپتەستىكتىڭ 2 تەتىگى بويىنشا سۋمەن جابدىقتاۋ جانە سۋ بۇرۋ جوبالارىن ىسكە اسىرۋدىڭ مودەلى بەكىتىلدى», دەدى باسقارما باسشىسى.
وبلىس اكىمى ۇزاققا سوزىلاتىن قۇجات ازىرلەۋ جۇمىستارىن كۇتپەي, ماسەلەنى تەز ارادا شەشۋ جولدارىن قاراستىرۋ كەرەكتىگىن اتاپ ءوتتى.
«جامبىل اۋدانىنداعى جاعدايدى كورىپ وتىرمىز. ەندى توتەنشە جاعدايدىڭ ورىن العانىن كۇتپەي, الدىن الۋ كەرەكپىز. تاراز قالاسىنىڭ قولدانىستاعى ءسۇزۋ الاڭدارىنىڭ تولۋىنا بايلانىستى قوسىمشا كارتالاردىڭ قۇرىلىسىنا 20 گەكتار جەر تەلىمى الىنعان. سول بويىنشا جۇمىستى جەدەلدەتۋ ءۇشىن زەردەلەۋلەر جۇرگىزىپ, ناقتى شىعىندى ەسەپتەڭىزدەر», دەگەن ايماق باسشىسى جاۋاپتىلارعا ءتيىستى مىندەتتەر جۇكتەپ, 1 اپتا ۋاقىت بەردى.
سونداي-اق تاراز قالاسى ءۇشىن جاڭا كارىز تازارتۋ قۇرىلىستارىنىڭ جوباسىنا ينۆەستورلار تارتۋ بويىنشا جان-جاقتى جۇمىستار جۇرگىزۋدى تاپسىردى.
بوسقوسۋدىڭ كۇن تارتىبىندەگى ەكىنشى ماسەلە سۋمەن قامتاماسىز ەتەتىن مەكەمەلەردى, سۋ نىساندارىن جەكەشەلەندىرۋ جايى قارالدى.
