ەكونوميكا • 15 ءساۋىر، 2022

باسىم بولىگى باعا وسىمىنە الاڭدايدى

17 رەت كورسەتىلدى

قازاقستاندىقتار ەلدىڭ دامۋ پەرسپەكتيۆاسىنا قاتىستى نەگاتيۆتى ويلارعا كوبىرەك ورىن بەرە باستاعان. مۇنى ۇلتتىق بانك جۇرگىزگەن ساۋالداما قورىتىندىسى كورسەتىپ بەرىپ وتىر. جاقىندا قارجىلىق قاداعالاۋشى ينفلياتسيالىق كۇتۋلەر بو­يىنشا ناۋرىز ساۋالداماسىنىڭ ناتيجەلەرىن جاريالادى.

ساۋالداماعا قاتىسۋشىلاردىڭ 63 پايىزى الداعى 12 ايدا باعا ءوسىمىنىڭ قارقىنى ساقتالادى نەمەسە بۇدان دا جەدەلدەيدى دەپ كۇتەدى. رەسپوندەنتتەر ونى ايىرباستاۋ كۋرسىنىڭ وزگەرۋى، ازىق-ت ۇلىكتىڭ قىمباتتاۋى جانە سىرتقى ساياسي جاعدايلارمەن بايلانىستىرادى.

قاتىسۋشىلاردىڭ 51 پايىزى وتكەن ايلارداعى وزگەرىسسىز قالعان نە بولماسا ورتاشا وزگەرگەن باعا ءوسىمىن اتاپ وتكەن. باعا تىم قاتتى ءوستى دەگەن 86 پايىز رەسپوندەنت نەگىزىنەن ازىق-ت ۇلىك ونىمدەرىن مەڭزەگەن. ولار ەت ونىمدەرى، وسىم­دىك مايى، جۇمىرتقا جانە نان ونىم­دەرىنەن وزگە ازىق-ت ۇلىك تۇرلەرىنىڭ باعاسى تىم قاتتى كوتەرىلىپ كەتتى دەيدى. قاتتى قىم­بات­تاعان ونىمدەر رەتىندە ولار نە­گى­زىنەن قانت، ءسۇت ونىمدەرى، سىر، شۇ­جىق، الكوگولسىز سۋسىندار، شاي مەن كوفەنى اتاعان.

ساۋالداماعا سۇيەنسەك، 21 پا­­­يىز قازاقستاندىقتىڭ جيناپ وتىرعان قوسىمشا قارجىسى بار. 39 پايىزى ءدال قازىرگى ساتتە قار­جى جيۋعا قاتىستى بەيتاراپ كوز­قاراس تانىتسا، جيناعى بار 35 پا­­يىز رەسپوندەنتتىڭ قارجىلارى بۇرىنعى دەڭگەيىندە قالعان. ال 32 پايىزىندا جيناقتارى ازايىپ كەتكەن. 53 پايىز قاتىسۋشىنىڭ جەكە ماتەريالدىق جاعدايى وز­گە­رىسسىز قالسا، 32 پايىزىندا اي­تار­لىق­تاي تومەندەگەن.

سونىمەن قاتار ەلدىڭ قىسقا جانە ۇزاق مەرزىمدى دامۋىنا قاتىستى كوزقاراستىڭ دا وپتيميزمنەن الىستاعانىن بايقاۋعا بولادى. الداعى 1 جانە 5 جىل كولەمىندە ەلدىڭ دامۋ پەرسپەكتيۆاسىن وڭ باعالاعان قاتىسۋشىلار ۇلەسى 45 جانە 44 پايىزدى قۇراعان. بىلتىر اقپاندا بۇل كورسەتكىش 52 جانە 50 پايىز دەڭگەيىندە بولعان ەكەن. ولاردىڭ 28 پا­يىزى ءبىر جىلدان سوڭ قارجىلىق جاع­دايىمىز جاقسارادى دەپ ۇمىت­تەن­سە، 27 پا­يىزى كەرىسىنشە، جاع­دايىمىز ناشارلايدى دەپ الاڭ­دايدى.

سوڭعى جاڭالىقتار

شابىت شاقىراتىن شاھار

ەلوردا • بۇگىن، 08:23

اقجايناق استانا

ەلوردا • بۇگىن، 08:22

وزىق ءوندىرىس ورنىندا بولدى

ايماقتار • بۇگىن، 08:20

باعدارىڭ قالاي، باس قالا؟

ەلوردا • بۇگىن، 08:17

ديماش پەن دجەكسون

ونەر • بۇگىن، 08:10

ۇتقانىمىز شامالى بولىپ تۇر

قوعام • بۇگىن، 08:05

ۇقساس جاڭالىقتار